Endi qazaqstandıqtardıñ smartfon kömegimen bazarlarda tölem jasauğa mümkindigi bar. Bügin Qazkommercbank pen Visa kompaniyası Visa tehnologiyasınıñ mobil'dik qosımşası negizinde innovaciyalıq Homebank Pay tölem servisi iske qosılğanın habarladı. Atalğan tölem servisi twtınuşılarğa QR kodtı suretke tüsiru arqılı tölem jürgizuge mümkindik beredi.

Tipti  sauda orındarı men qızmet körsetetin käsiporındar atalğan tölem qızmetin paydalanğan jağdayda qımbat twratın POS-terminaldardı satıp almasa da boladı. YAğni olar da QR-tehnologiyası arqılı kontaktisiz tölem qabıldauğa mümkindik aladı. Osı twrğıdan alğanda jaña jüye käsipkerler üşin tiimdi bolğalı twr.

Al mwnday jaña tölem jüyesin iske qosu üşin twtınuşı smartfonına  Homebank mobil'dik qosımşasın jüktep alıp, sondağı nwsqaulıqtarmen tanıssa bolğanı. Sodan keyin twtınuşı smartfonnıñ kamerası arqılı satuşınıñ (internet-sayttağı nemese poligrafiyalıq suret retinde beynelengen) QR-kodın tüsirip alu qajet, sol sätte jüye kommersanttıñ barlıq derekterin avtomattı türde tanıp, tölem birden jürgiziledi.

Qazkom bwl jüyeni iske qospas bwrın saualnama jürgizgen. Saualnama qorıtındısı boyınşa bazarlardağı satuşılardıñ köpşiligi POS-terminaldardıñ qımbat boluına baylanıstı qolma-qol emes tölem qabıldauğa dayın emes ekenderin aytqan. Alayda olar onı almastıra alatın qosımşa qwrılğı payda bolğan jağdayda qolma-qol emes tölemdi qabıldauğa dayın ekenderin jetkizgen.

Bazarda da Homebank Pay tehnologiyasın paydalanıp, QR kod arqılı tölem jasauğa mümkindik boladı. Foto: Qazkom

Osılayşa Qazkom-nıñ basqaruşı direktorı Nwrlan Jağıparov jaña jüyeniñ qalay jwmıs isteytinin tanıstırdı.

"Satuşı QR-kodtı kez kelgen qağazğa nemese kartonğa ornalastırıp qoysa bolğanı. Qızmetti taksi jürgizuşileri men bazardağı satuşılar da qoldana aladı. Tipti toyğa barğan qonaqtardıñ qaltasında qolma-qol aqşası bolmasa, jay ğana QR-kodtı skanerlep, jas jwbaylarğa aqşa audaruına boladı", - dedi ol.

Al tölem jasalğannan keyin twtınuşığa jäne satuşığa tölemniñ jasalğanı turalı Homebank qosımşası arqılı SMS keledi.

Homebank Pay tehnologiyasın qoldanudıñ tağı bir täsili - toyğa QR kod arqılı aqşa audaru. Foto: Qazkom

Bwdan bölek jobanı tanıstıru kezinde Nwrlan Jağıparov keybir elderde QR-tölem jüyeleri basqa tehnologiyalardı ığıstırıp jatqanın atap ötti.

Onıñ sözinşe, jüye osı aydıñ ayağına deyin onlayn dükender üşin 100 payız iske qosılatın boladı. Al qaraşa ayında Almatı jäne Astana qalalarındağı sauda orındarında iske qosıla bastaydı. 2018 jılı basqa aymaqtar birtindep qosıladı.

Jobanıñ tanısıtırılımına qatısqan Halıq banktiñ  basqarma törağası Ümit Şayahmetova atalğan servis käsipkerler tarapınan eşbir investiciyanı talap etepeytinin jäne köleñkeli qolma-qol aqşa aynalımınıñ azayuına mümkindik beretinin atap ötti.

"Käsipkerlerdiñ köpşiligi POS-terminaldar nemese internet arqılı tölem jürgize almaytındarın aytadı. Meniñşe mwnıñ sebebi basqa: olarda aşıqtıq bolamaydı nemese salıq töleuge, naqtı aynalımınıñ qanşa ekenin körsetuge qızığuşılıq tanıtpaydı", - dedi Şayahmetova.

Ol sonday-aq, qızmettiñ jaña türin aldağı uaqıtta Halıq bank klientteri de paydalana alatının ayttı.

Al "bwl jüyege satuşılar, käsipkerler qalay qosıladı?" degen swraqqa keler bolsaq, olar Qazkom-men sauda ekvayringi boyınşa (bank kartasın wstauşılarğa qızmet körsetu - red.) kelisim-şart jasau kerek. Ol boyınşa ötinişti bankke barmay-aq, bank saytı arqılı beruge boladı.

Kelisimşart jasalğannan keyin Qazkom-nıñ ekvayring seriktesteri jaña Homebank Pay qızmetine  avtomattı türde qosıladı, bankke barudıñ  qajeti bolmaydı.

Al osı qızmetti twtınuşılar nemese tauar satıp aluşılar QR-kod arqılı esep jürgizu üşin joğarıda aytıp ötkendey Qazkom-nıñ  Visa kartasın jäne smartfonında (Android nemese iOS) Homebank qosımşasınıñ soñğı nwsqasın paydalansa jetkilikti.

Bwdan bölek, Nwrlan Jağıparov QR tehnologiyası arqılı tölem jasau kezinde komissiya alınatının ayttı. Onıñ sözinşe, komissiya kölemi wsınılatın qızmet türine baylanıstı boladı. Mölşerlemeni belgileude körşi elderdegi jäne osı tehnologiyanı belsendi qoldanatın elderdegi täjiribe esepke alınadı. Europa, Amerika sındı elderdegi balamalar paydalanılmaq.

“The Qazaq Times”