Foto: mignews.ru

Bügin BWW-nıñ Qauipsizdik Keñesi Süriyadağı himiyalıq qaru qoldanısına qatıstı zertteudi keñeytilgen deñgeyde jürgizuge baylanıstı wsınıstı dauısqa saladı. Sarapşılardıñ aytuınşa, Başar Asad Ükimetiniñ qoldauşısı Resey bwl rezolyuciyağa veto qoyuı mümkin. Bwl turalı APF aqparattıq agenttigi jazdı. 

Ötken ayda BWW-nıñ soğıs barısında  jasalğan qılmıs boyınşa zertteuşileri "Han-Şeyhunda bolğan  şabuıldıñ artında Süriya äskeri twr" degen mälimdeme jasağan bolatın. Damask bwl ayıptaulardı joqqa şığardı.  Wlıbritaniya, Franciya jäne AQŞ Başar Asad Ükimetin oppoziciya bekingen auılğa qarsı qaru qoldanu faktisine kinälap otır. Bwl şabuıl barısında 87 beybit twrğın, onıñ işinde 30 bala qaza tapqan bolatın.

Osığan deyin Süriya basşılığınıñ 2014-2015 jıldarı 3 auılda himiyalıq qaru qoldanğanı belgili bolğan edi. Osığan oray AQŞ, Wlbıritaniya men Franciyanıñ aqpan ayında Süriyanıñ ökiletti twlğalarına qarsı sankciya engizu turalı şeşimine Resey men Qıtay veto qoyıp tastadı.

Resey tarapınan Mihail Ul'yanov Han-Şeyhundağı ulı gaz şabuılı Süriyanıñ äue küşterinen emes, jerge tastalğan jarılğış zattan boluı mümkin degen boljam aytıp, Resey naqtı şeşim qabıldau üşin barlıq dälelderdi mwqiyat qarap şığuı kerek degen bolatın. AQŞ-tıñ BWW-dağı ökili Nikki Heyli Han-Şeyhunda himiyalıq qaru qoldanılğanı turalı 60 türli nwsqa bar ekenin aytıp: "BWW-nıñ Qauipsizdik Keñesinde bar memleket, ne wyımğa mülde kirmeytin memleket bolsın, ol jerde himiyalıq qarudıñ qoldanıluı älem tarapınan  qatañ sınalu kerek", - dep eskertti.

“The Qazaq Times”