Foto: news-front.info

G7 memleketteri Facebook, Google, Twitter siyaqtı tehnika alpauıttarımen ğalamtordağı ekstremizmniñ taraluına qarsı küş biriktiredi. Bwl turalı G7 memleketteri ökilderiniñ basqosuında talqılandı. 

Italiyanıñ İşki İster ministri Marko Minniti kezdesuden soñ jurnalisterge bergen swhbatında jaña äriptestik şarasın "bostandıqqa jetu jolındağı mañızdı qadam" dep bağaladı. G7 memleketteri älemdik transwlttıq kompaniyalarmen birigip, terroristerdiñ ğalamtor arqılı halıqtı ekstremizmge tartu, üyretu jäne radikalizaciyağa wşıratu procesine qarsı twrudı közdep otır.

AQŞ-tıñ Wlttıq qauipsizdik ministri Eleyn Dyuk: "Bizdiñ jaularımız tvitterde jariyalanğan jazbalardıñ jıldamdığımen birdey qarqın alıp kele jatır. Olarğa tosqauıl bolu üşin bizge de tezirek qimıl-äreketke köşu kerek" dese, Franciyanıñ  İşki İster ministri: "Biz estremistik sipattağa jazba jariyalanğan 2 sağat işinde onı öşirip tastauğa qol jetkizudi maqsat twtıp otırmız" dep habarladı.

Italiyada ötken jiında söz bolğan tağı bir mäsele  2014-2016 jıldar aralığında  Europadan Süriyağa "Islam memleketi" lañkestik wyımınıñ qatarında soğısuğa attanıp, qazir elge qayta oralğan azamattardıñ jayı boldı. Osığan deyin Europağa qaytqan potencialdı terrorister birneşe terraktilerdiñ sebepkeri bolğan. Mwnday qauip-qaterdiñ aldın alu üşin Italiya men AQŞ arasında azamattardıñ sausaq tañbaları turalı aqparatpen bölisu turalı kelisim jasalıp, Interpoldıñ derektor qorındağı 40 mıñ şeteldik estremist turalı mälimettermen almasu mäselesi söz boldı.

“The Qazaq Times”