QR Prezidenti Nwrswltan Nazarbaev pen Auıl şaruaşılığı ministri Asqar Mırzahmetov. Foto: akorda.kz

QR Prezidenti Nwrswltan Nazarbaev Prem'er-Ministrdiñ orınbasarı – Auıl şaruaşılığı ministri Asqar Mırzahmetovti qabıldadı Kezdesude elimizdiñ agroönerkäsiptik keşenin damıtu bağdarlaması arqılı atqarılğan jwmıstardıñ aralıq nätijeleri jäne onı odan äri iske asıru jönindegi josparlar talqılandı, dep habarlaydı Aqordanıñ resmi saytı. 

Nwrswltan Nazarbaev elimizdiñ barlıq diqandarın astıq jinau nauqanınıñ tabıstı ayaqtaluımen qwttıqtadı.

"Jaz aylarınıñ basındağı kürdeli jağdayğa qaramastan, auıl eñbekkerleri aytarlıqtay kölemde astıq jinadı. İşki qajettilikti qanağattandıruğa jäne önimimizdi eksportqa şığaruğa mümkindik bar. Jalpı, barlıq mälimetter oñ qarqındı körsetip otır", – dedi Qazaqstan Prezidenti.

Memleket basşısı auıl şaruaşılığınıñ el ekonomikasındağı mañızdı röline toqtalıp, osı salağa bölingen qarjını paydalanudıñ tiimdiligi tömen ekenin atap ötti. Sonımen birge, Qazaqstan Prezidenti biılğı astıq jinau nauqanı joğarı qarqınmen jürgizilgenin ayttı.

"Biıl 21,7 million tonna astıq jinalıp, ortaşa önimdilik gektarına 14,2 centnerden boldı. Bwl bıltırğı jılmen salıstırğanda köbirek. Belgilengen josparğa säykes, biz twtınuşılıq kooperaciyanı damıtumen, twqımdıq qordı jaqsartumen jäne mal şaruaşılığınıñ önimdiligin arttırumen aynalıstıq", – dedi Prezident.

Nwrswltan Nazarbaev auıl şaruaşılığı önimdiliginiñ kölemin elimizdiñ ğılımi äleuetin paydalana otırıp arttıru qajettigine nazar audardı.

Asqar Mırzahmetov Qazaqstan Prezidentine agroönerkäsiptik keşenniñ memlekettik bağdarlaması ayasında auıl şaruaşılığınıñ 12 basım bağıtın odan äri damıtudıñ arnayı kartaların äzirleu barısı jöninde bayandadı.

“The Qazaq Times”