Foto: vestnikkavkaza.ru

Türkiya Prezidenti Rejep Tayıp Erdoğan AQŞ-tıñ  Ankaramen qarım-qatınasın üzip alu täuekeline barıp otırğanın ayttı. Ol Amerikamen arada tuındağan vizağa baylanıstı kelispeuşilikterge AQŞ-tıñ Ankaradağı konsuldığı qızmetkerin kinaladı. Bwl turalı APF aqparattıq agenttigi jazdı. 

Rejep Tayıp Erdoğan: "Amerika öziniñ NATO-dağı Türkiya siyaqtı äriptesimen qarım-qatınasın bir diplomatqa bola üzip alğanı dwrıs bolmadı", - degen pikir bildirdi.

Esteriñizge sala keteyik, osıdan bwrın Türkiya AQŞ-tıñ Ankaradağı konsuldığınıñ tegi türik qızmetkerin Fethullah Gyulenmen baylanısı bar degen ayıppen twtqındağan bolatın. Amerika bwğan jauap retinde Türkiya azamattarına immigraciyalıq emes vizalardı berudi toqtattı. Türkiya däl osınday qadammen jauap qattı.

AQŞ öziniñ elşisi tolıqtay Amerikanıñ tapsırmaların ğana orındağanın alğa tartıp, onıñ ayıptı ekendigine senbeydi. Osıdan bwrın AQŞ-tıñ Auğanstandağı elşisi bolıp tağayındalğan diplomat osı aptanıñ soñında Türkiyadan ketui kerek.

Rejep Tayıp Erdoğan öziniñ joğarıda berilgen mälimdemesine: "Alpauıt Amerika bir elşiniñ aldında qwrday jorğaladı" degen kekesin bildirdi. Sonday-aq memleket basşısı Türkiyanıñ policiya qızmetkerleri bwdan bılay AQŞ öndirgen tapanşalardı qoldanbaytının jetkizdi.

Türkiya Donal'd Tramp twsında Amerikamen qarım-qatınası jaña deñgeyge köteriledi dep kütkenimen, AQŞ-tıñ Süriyadağı kürd toptarına qoldau bildirui men Fethullah Gyulendi ekstradiciyalaudan bas tartuı NATO-lıq äriptesiniñ köñilin qaldırdı.

“The Qazaq Times”