Foto: iInsider journal

Apta sayın elimizde, älemde türli halıqaralıq, sayasi, ekonomikalıq mañızdı jañalıqtar boladı. Onıñ biri birin oqısaq, endi biri nazardan tıs qalıp jatadı. Endeşe The Qazaq Times oqırmandarı üşin 2-7 qazan aralığında bolğan eñ mañızdı ekonomika jañalıqtarına şolu jasaydı.

Resey eksporttalatın mwnayğa baj salığın köterdi - Qazaqstanda benzin qımbattadı

Aptanıñ basında Qazaqstanda benzinniñ qımbattauı bastı jañalıq boldı. 1 qazannan bastap Resey eksporttalatın mwnayğa salınatın baj salığın 3,8  dollarğa köterdi. Osılayşa qırküyek ayındağı esep boyınşa mwnay eksportınıñ salığı tonnasına 84,1 dollar bolğan edi, endi 87,9 dollar bolatın boldı Twtqırlığı joğarı mwnayğa baj salığı 1 qazannan bastap 12,9 dollardan 13,6 dollarğa deyin qımbattaytın boldı. Al osıdan keyin säykestik pe, Qazaqstanda benzin bağası tağı köterilip, eñ köp paydalanılatın AI 92 markalı janarmay qwnı 151 teñgege deyin jetti.

Qanat Bozımbaev benzin bağasın tömendetuge qatıstı uäde bere almadı

Al osıdan keyin däl bir künnen soñ QR Energetika ministri Qanat Bozımbaev Ükimet otırısında esep berdi. Alayda ol  QR Prem'er-ministri Baqıtjan Sağıntaevtıñ benzinge qatıstı "bağa tömendey me?" degen swrağına ministr "bağa twraqtaladı" dep ğana jauap berdi. jauap berdi.

Qazaqstandıqtardıñ jılu üşin qarızı 10 mlrd teñgeden asadı 

QR Energetika ministrligi atomdıq jäne energetikalıq qadağalau men baqılau komitetiniñ basşısı Swñğat Esimhanov bolsa qazaqstandıqtardıñ energetika käsiporındarı aldındağı qarızı 10 mlrd teñgeden asatının mälimdedi.

"Halıq energetika käsiporındarına 10 mlrd teñgeden asa qarız. Qarızdıñ köp böligi, yağni 3 mlrd teñge Almatı qalasına tiesili. Oñtüstik Qazaqstan oblısı boyınşa da qarız 3 mlrd teñge şamasında. Qalğan oblıstarda qarız bir aylıq kölemde qalıp otır", - dedi Esimhanov Ortalıq kommunikaciyalar qızmetinde ötken brifingte. Onıñ aytuınşa, qarız kölemi jılu beru mausımı bastalar kezde ünemi osınday deñgeyde boladı eken.

Bir ayda jwmıssızdar sanı 49,1 payızğa ösken

2017 jıldıñ tamız ayınıñ qorıtındısı boyınşa Qazaqstandağı jwmıssızdar sanınıñ wlğayğanı belgili boldı. Qazaqstannıñ jwmıspen qamtu orındarında tirkelgen jwmıssızdar sanı 143,8 mıñ adamdı qwrağan.  Osılayşa bwl körsetkiş 2017 jıldıñ şilde ayındağı körsetkişpen salıstırğanda (96,4 mıñ adam) 49,1%-ğa artqan. Sonday-aq jwmıssızdar sanı qañtar ayınan beri (55,1 mıñ adam) 2,6 esege ösken.

Dollar kursı bir jıldağı eñ joğarğı körsetkişke jetti

Osı aptpda tek benzin bağası ğana qımbattap qana qoymay, teñgege qatıstı dollar kursı da joğarıladı. 5 qazan küni Qazaqstan qor birjasında bolğan tañğı sessiya kezinde wlttıq valyutanıñ dollarğa qatıstı bağamı 345 teñgege deyin älsiredi.  Sauda kölemi 12,8 mln dollarğa deyin jetti. Sessiya kezinde dollar kursı  345,37 teñgege deyin qımbattap, sessiyanıñ jabılu kezinde de osı deñgeyin saqtadı. Dollardıñ mwnday maksimum körsetkişi osı jılı tirkelmegen. Soñğı ret joğarğı körsetkiş 2016 jıldıñ qaraşa ayında bolğan. Osılayşa bwl osı jılğı eñ maksimum deñgey boldı.

Qazaqstan jañartılatın energiya közderin damıtu üşin qarız aladı

Jasıl klimat qorı (GCF) Europalıq qayta qwru jäne damu bankiniñ (EQDB) negizdeme bağdarlaması arqılı jañartılatın energiya közderine qatıstı jobalardı iske asıru üşin Qazaqstanğa 110 mln dollar köleminde qarjı beredi. GCF-tiñ bwl salımınıñ 106 mln dolları jeñildikpen qarjılandıru boyınşa, 4 mln dolları grant türinde tehnikalıq kömek körsetu üşin berilmek.

“The Qazaq Times”