Saud Arabiyasınıñ koroli. Foto: InoSMI.

Caud Arabiyasınıñ «Arab jañalıqtar qızmeti» agenttigi eldiñ koroli Salman alğaş ret Reseyge resmi saparmen baratının habarlağan. Ol ükimet basşıları jäne jeke sektor ökilderiniñ joğarı deñgeydegi delegaciyasın bastap barğalı otır. Osılayşa Salman ibn Abdul-Aziz äl-Saud Resey Federaciyasına baratın alğaşqı Saud Arabiyasınıñ  patşası bolmaq. Bwl turalı «Şinhua» agenttiginiñ resmi saytı jazdı.

Resey ükimetiniñ baspasöz hatşısı Dmitriy Peskov bwqaralıq aqparat qwraldarına atalğan saparğa dayındıq jwmıstarınıñ soñğı kezeñge ötkenin ayttı. Ol sözinde: «Arab älemi basşılarınıñ biri retinde, korol' Salman Arab elderi arasındağı mañızdı twlğalardıñ biri. Biz bwl sapar ekijaqtı qarım-qatınastardı damıtuğa jaña serpin beredi dep ümittenemiz. Äri eki el qarım-qatınasın tipti de jaqsarta tüsedi», - dedi.

Kreml' şeneunikteriniñ aytuınşa Resey Saud Arabiyasımen dialogtı saqtap twruğa barınşa müddeli körinedi. Kezekti kezdesu kezinde Orta-Şığıs mäselesi, äsirese Süriya isi talqılanadı dep otır. Saud Arabiyası köpten beri Siriya oppoziciyasın qoldap, Başar Asadtıñ bilikten ketuin talap etip kelgen edi. Bwl jağınan Saud Arabiyası men Reseydiñ maydanı bir emes. Aldağı talqıdan keyin özgerister boladı dep kütilude. Resey «Sputnik» aqparat agenttiginiñ habarına süyensek, Salmannıñ Reseyge saparı 5 qazan küni bolmadı.

“The Qazaq Times”