Foto: abc.net.au

Japoniyanıñ Toyota avtoöndiris korporaciyası Australiyanıñ Mel'burn mañındağı Al'ton qalasındağı zauıtın jabadı. Zauıt jabılsa keminde 2500 adam jwmıssız qaladı. Bwl turalı ABC News habarladı.

RBK saytınıñ mälimetinşe, qalğan 1300 qızmetker atalğan eldiñ Viktoriya jäne tağı basqa da ştattarındağı ofisterge, korporaciya şeberhanalarına jwmısqa ornalasatın boladı. Viktoriya ştatınıñ öndiris jönindegi ministri Ueyd Nunan osı kün Australiya üşin "öte köñilsiz kün" bolatının atap ötti. "Bwl Viktoriyadağı öndiris däuiriniñ ayaqtalğanınıñ belgisi", - dedi ol.

2016 jılı Australiyada Ford kompaniyası da zauıtın japqan. Endi qaraşa ayında Oñtüstik Australiyanıñ Adelaida qalasında Holden avtomobil'deriniñ öndirisi toqtatıladı. Avtoöndiruşilerdiñ pikirinşe, zauıttar öndiris şığındarınıñ joğarılauı, fragmentti narıq pen şeteldik avtokoncernderdiñ bäsekeles boluı sebebinen jabıluğa mäjbür bolğan.

"Adamdar australiyalıq sedandardı satıp aludı toqtattı", - deydi Nunan. Onıñ sözinşe, käsiporındardıñ jwmısı wzaq jıldar boyı memleket grantınıñ esebinen jalğasıp kelgen - olarğa tipti 100 million dollar bölinipti. Alayda, 2015 jılı ükimet dotaciyanı birtindep toqtatuğa şeşim şığarğan. Endi 2018 jıldan bastap Australiyadağı barlıq avtomobil'der importtalatın boladı.

“The Qazaq Times”