فوتو: abc.net.au

جاپونيانىڭ Toyota ءاۆتووندىرىس كورپوراتسياسى اۋستراليانىڭ مەلبۋرن ماڭىنداعى التون قالاسىنداعى زاۋىتىن جابادى. زاۋىت جابىلسا كەمىندە 2500 ادام جۇمىسسىز قالادى. بۇل تۋرالى ABC News حابارلادى.

ربك سايتىنىڭ مالىمەتىنشە، قالعان 1300 قىزمەتكەر اتالعان ەلدىڭ ۆيكتوريا جانە تاعى باسقا دا شتاتتارىنداعى وفيستەرگە، كورپوراتسيا شەبەرحانالارىنا جۇمىسقا ورنالاساتىن بولادى. ۆيكتوريا شتاتىنىڭ ءوندىرىس جونىندەگى ءمينيسترى ۋەيد نۋنان وسى كۇن اۋستراليا ءۇشىن "وتە كوڭىلسىز كۇن" بولاتىنىن اتاپ ءوتتى. "بۇل ۆيكتورياداعى ءوندىرىس ءداۋىرىنىڭ اياقتالعانىنىڭ بەلگىسى", - دەدى ول.

2016 جىلى اۋستراليادا Ford كومپانياسى دا زاۋىتىن جاپقان. ەندى قاراشا ايىندا وڭتۇستىك اۋستراليانىڭ ادەلايدا قالاسىندا Holden اۆتوموبيلدەرىنىڭ ءوندىرىسى توقتاتىلادى. اۆتووندىرۋشىلەردىڭ پىكىرىنشە، زاۋىتتار ءوندىرىس شىعىندارىنىڭ جوعارىلاۋى، فراگمەنتتى نارىق پەن شەتەلدىك اۆتوكونتسەرندەردىڭ باسەكەلەس بولۋى سەبەبىنەن جابىلۋعا ءماجبۇر بولعان.

"ادامدار اۋستراليالىق سەدانداردى ساتىپ الۋدى توقتاتتى", - دەيدى نۋنان. ونىڭ سوزىنشە، كاسىپورىنداردىڭ جۇمىسى ۇزاق جىلدار بويى مەملەكەت گرانتىنىڭ ەسەبىنەن جالعاسىپ كەلگەن - ولارعا ءتىپتى 100 ميلليون دوللار ءبولىنىپتى. الايدا، 2015 جىلى ۇكىمەت دوتاتسيانى بىرتىندەپ توقتاتۋعا شەشىم شىعارعان. ەندى 2018 جىلدان باستاپ اۋسترالياداعى بارلىق اۆتوموبيلدەر يمپورتتالاتىن بولادى.

“The Qazaq Times”