Irak ükimeti armiyasınıñ küşteri "Islam memleketi" wyımınıñ bir bazasın talqandadı. Foto: RFE/RL.

Süriyadağı «Islam memleketi» jäne basqa da terrorlıq wyımdar soñğı birneşe ayda zor şığınğa battı. Bwl turalı Resey qorğanıs ministrligi ötken aptanıñ soñında mälimet taratqan bolatın. «Şinlañ» aqparattıq agenttiginiñ resmi saytı jazdı.

Soñğı birneşe aptada «Islam memleketi» jäne «Şam maydanın bağındıru» wyımdarı Süriyanıñ batısı men şığısında şabuıldarın küşeyte tüsti. Alayda, sätsizdikterge wşıradı. Soñğı aylarda atalğan terrorlıq wyımdar auır şığındarğa wşırağan. Resey jaq özderiniñ äue küşteriniñ qoldauında Süriya ükimetiniñ qarulı küşteri Dayr-äz-Zor men Idlib öñirlerinde terrorlarğa qattı soqqı berdi dep habarlauda. Şabuıl uaqıtı men bağıtınıñ dwrıstığı bwl retki operaciyalardıñ sätti boluına bastı sebep boldı dep körsetti.

Resey Qorğanıs ministrliginiñ mälimetine sensek, 19-29 qırküyek aralığındağı Resey ÄÄK-niñ şabuıldarınan 2359 terrorist öltirilgen, 2700-den astam lañkes jaralanğan. Bwlardıñ arasında Resey men TMD elderinen kelgen 16 komandir men 400-den asa ekstremister bar delingen. Terroristter ornalasqan 67 orındı talqandap, 27 tank pen 21 dana zımıran qondırğılı kölikterdi, 149 avtokölik pen 51 qaru-jaraq qoymasın joyğan. Resey jaqtıñ bwl bergen aqparattarına özge elder jağınan äli de saraptamalar jasalmadı.

“The Qazaq Times”