Foto: Interfaks

Qazaqstan Qıtayğa jiberiletin gaz tasımalı men eksportın jılına 100 mlrd kubğa jetkizbek. Bwl turalı Astanada ötip jatqan Energetikanı baqılau jäne investiciya jönindegi konferenciyada "QazTransGaz" kompaniyasınıñ qayta qwru jäne damıtu jönindegi bas direktorınıñ orınbasarı Erqanat Temirhanov mälimdedi.

"Biz Qıtayğa gaz tasımalı men eksportın jılına 100 mlrd kubqa, tipti odan da köp mölşerge jetkizgimiz keledi. Qazirgi kezde Qıtay tarabına 10 mlrd kub gazdı erkin jetkize alamız. Özbekstan, Türkimenstan jäne Reseymen tığız jwmıs istep jatırmız", - dedi ol.

Endi kompaniya jospardı orındau boyınşa  Jambıl oblısındağı Amangeldi gaz ken ornın paydalanbaq.

"İri gaz saqtaytın orın retinde "Amangeldigazdı" paydalanu jobasın dayındap jatırmız. Özimizde bar quat jetkiliksiz bolıp twr. Sondıqtan bizge oñtüstikten gaz saqtau ornı kerek", - dedi Erqanat Temirhanov.

Qazaqstan tabiği şikizattardı jetkizu boyınşa aldıñğı elder qatarında. Alayda mwnay-gaz eksportı jaqsı bolğanmen, bwl ekonomika ösimine aytarlıqtay äser etip otırğan joq. Mwnıñ bastı sebebi - Qazaqstanda şikizattı öñdeu oşaqtarınıñ az boluı. Şikizat öndiriledi, alayda onı öñdeu orındarı bolmağandıqtan, memleket basqa elderde öñdelgen öz önimin qımbatqa satıp aluğa mäjbür.

“The Qazaq Times”