Irannıñ ortalıq qalasında bolıp ötken äskeri parad. Foto: The Wall Street Journal.

Irannıñ prezidenti Hasan Ruhani ötken aptanıñ soñında habarlama taratıp, Iran ballistikalıq zımıran bağdarlamaları men basqa mümkindikterdi damıtudı jalğastıra beretinin ayttı. Bwl Iran jaqtıñ AQŞ tarabınan aytılğan sın-pikirlerdi elemegenin, sonımen birge eki el arasındağı şielenistiñ arta tüsetinin bildiredi. Sonday-aq, äskeri küşterdiñ soñğı belgilerin de ayğaqtap otır. Bwl turalı "The Wall Street Journal" basılımı jazğan edi.

Iran memlekettik telearnasınıñ taratqan habarına qarağanda, Iran jaña ballistikalıq zımırandı wşırğan. Tehranda (Tegeran) bolıp ötken Iran-Irak soğısın  eske tüsiruge arnalğan äskeri paradta Irannıñ özge de jaña ballistikalıq zımırandarı, tankter men su astı soğıs kemeleri körsetildi.

Parad bastalardan bwrın Ruhani söz söylep, sırtqı elderdiñ narazılıqtarına qaramastan Iran öziniñ qorğanıs quatın barınşa arttıratının, sebebi eldiñ özin özi qorğauı qabiletiniñ qajet ekenin ayttı. Ol sözinde: «Bwl atalğan qorğanıs qabileti degenimiz bir ğana ballistikalıq zımıranda ğana emes, Iran qarulı küşteriniñ suda, qwrlıqta, äuede bolsın qorğanıs qabiletin arttıruı bolıp tabıladı. Iran öziniñ halqın qorğau üşin eşkimnen rwqsat swramaydı», – dedi.

Ruhani sözinde: «Iran Yemenniñ, Süriya jäne Palestinanıñ zwlımdıqqa wşırağan halqın qorğaydı. Bwl Irannıñ aymaqtağı tuındağan qanday da bir oqiğalarğa qatısuınan bas tartpaytının tüsindiredi. Bwl jäne AQŞ pen onıñ odaqtastarı arasındağı Irannıñ bastı qayşılıqtarınıñ biri bolıp keledi», - dedi. AQŞ pen Iran basşılarınıñ  soñğı qadamdarı eki el arasında tuındağalı twrğan jaña qayşılıqtar men şielenisterdiñ saqtıq dabılın qağıp otır. Kereğar jasalıp jatqan qadamdar Orta-Şığısta jaña qayşılıqtı barlıqqa keltirmek.

“The Qazaq Times”