EO-nıñ Sırtqı ister jönindegi departamenttiñ bas atqaruşısı. Foto: The Wall Street Journal.

Europa Odağı Iran men AQŞ arasındağı yadrolıq mäseledegi kelispeuşilikte Irandı jaqtap şıqtı. EO Sırtqı ister jönindegi mekeme basşısı Frederika Mogerini Iran men iri memleketter arasında jasasqan Irannıñ yadrolıq kelisiminde är tarap öz degenin orındağanın ayttı. Bwl turalı The Wall Street Journal basılımı habarladı.

2015 jılı qol jetkizilgen kelisimdi bağalauğa jauaptı Birlesken Komitet kezekti otırıs ötkizildi. Qwrama Ştat kelisimge qosımşa şarttar wsınbaq boldı. Sonımen birge AQŞ prezidenti AQŞ-tıñ osı kelisimge qalay äreket etetini turalı şeşim qabıldağanın jariya etken edi. Biraq ol bwl mälimetin Birlesken Komitettiñ otırısında wsınğan joq.

Birlesken Komitet törağası da BWW Bas Assambleyasınıñ N'yu-Yorktegi kezdesuinde kelisimdi qayta qaraudıñ qajeti joq ekenin aytıp edi. Qatısuşılar da osı uaqıtqa deyin kelisimge qol qoyğan barlıq tarap öziniñ mindetin tolıq orındadı dedi.

Al, Europa Odağınıñ özi e Irannıñ öz mindetin kelisimge say orındap şıqqanın, AQŞ-tıñ qosımşa şarttarı men narazılığınıñ orınsız ekenin aytıp şıqtı. Bwl bir esepten Tramp ükimetiniñ Iranğa qaratqan oqşaulau sayasatına bir jolğı sätsizdik boldı. Endi bir jağınan alıp qarasaq, äsirese öñir tınıştığı men qauipsizdigi twrğısınan, twtanğalı twrğan AQŞ-Iran arazdığına su septi.

“The Qazaq TImes”