AQŞ öziniñ qorğanıs byudjetin tağı da arttırdı. Foto: The Intercept.

Qwrama Ştattıñ kelesi jılğı qorğanıs byudjeti älem elderin tiksindirdi. AQŞ Senatı 2018 jılğı Qwrama Ştattıñ qorğanısqa bölgen byudjeti 692 milliard dollar boladı dep bekitti. Bwl turalı «Şinhuanıñ» resmi saytı jazdı.

AQŞ Senatında 89 müşesi qoldap, 8 adam qarsı dauıs bergen. Osıdan bwrın, Ökilder palatası 2018 jıldıñ byudjeti zañına qol qoyğan bolatın. Zañ jobasın prezident Tramptıñ maqwldauına jibermes bwrın, konsul'taciyağa qatısu üşin eki konferenciya komitetiniñ qayta qaruına tapsırılğan.

Senattıñ 2018 qarjı jılındağı qorğanıs zañına säykes, Pentagon qaru-jaraq damıtu jäne satıp alu üşin 640 milliard AQŞ dolları kölemindegi qarjını aladı dep belgilengen. Bwnıñ işinde äskerlerdiñ jalaqısın töleu jäne tağı basqa da jwmsalatın qarjılar da qamtılğan.

Mälimetterge qarağanda, AQŞ-tıñ Auğanstandağı, Irak pen Süriyadağı äskerlerine bölinetin qarjı kölemi 6 mlrd AQŞ dolları köleminde boladı.

AQŞ-tıñ qorğanısqa böletin qarjısı özinen keyingi 8 eldikin qosqandağı qarjıdan da asıp tüsedi. Foto: americanmoocher.com.

Osığan deyin de AQŞ-tıñ qorğanıs byudjeti 640 mlrd dollar bolıp kelgen. Bwl sandağı qarjı özinen keyin qorğanısqa mol aqşa jwmsaytın 8 eldi qosqanda AQŞ-qa para-par kelmeytin edi.

“The Qazaq Times”