اقش ءوزىنىڭ قورعانىس بيۋدجەتىن تاعى دا ارتتىردى. فوتو: The Intercept.

قۇراما شتاتتىڭ كەلەسى جىلعى قورعانىس بيۋدجەتى الەم ەلدەرىن تىكسىندىردى. اقش سەناتى 2018 جىلعى قۇراما شتاتتىڭ قورعانىسقا بولگەن بيۋدجەتى 692 ميلليارد دوللار بولادى دەپ بەكىتتى. بۇل تۋرالى «شينحۋانىڭ» رەسمي سايتى جازدى.

اقش سەناتىندا 89 مۇشەسى قولداپ، 8 ادام قارسى داۋىس بەرگەن. وسىدان بۇرىن، وكىلدەر پالاتاسى 2018 جىلدىڭ بيۋدجەتى زاڭىنا قول قويعان بولاتىن. زاڭ جوباسىن پرەزيدەنت ترامپتىڭ ماقۇلداۋىنا جىبەرمەس بۇرىن، كونسۋلتاتسياعا قاتىسۋ ءۇشىن ەكى كونفەرەنتسيا كوميتەتىنىڭ قايتا قارۋىنا تاپسىرىلعان.

سەناتتىڭ 2018 قارجى جىلىنداعى قورعانىس زاڭىنا سايكەس، پەنتاگون قارۋ-جاراق دامىتۋ جانە ساتىپ الۋ ءۇشىن 640 ميلليارد اقش دوللارى كولەمىندەگى قارجىنى الادى دەپ بەلگىلەنگەن. بۇنىڭ ىشىندە اسكەرلەردىڭ جالاقىسىن تولەۋ جانە تاعى باسقا دا جۇمسالاتىن قارجىلار دا قامتىلعان.

مالىمەتتەرگە قاراعاندا، اقش-تىڭ اۋعانستانداعى، يراك پەن سۇرياداعى اسكەرلەرىنە بولىنەتىن قارجى كولەمى 6 ملرد اقش دوللارى كولەمىندە بولادى.

اقش-تىڭ قورعانىسقا بولەتىن قارجىسى وزىنەن كەيىنگى 8 ەلدىكىن قوسقانداعى قارجىدان دا اسىپ تۇسەدى. فوتو: americanmoocher.com.

وسىعان دەيىن دە اقش-تىڭ قورعانىس بيۋدجەتى 640 ملرد دوللار بولىپ كەلگەن. بۇل سانداعى قارجى وزىنەن كەيىن قورعانىسقا مول اقشا جۇمسايتىن 8 ەلدى قوسقاندا اقش-قا پارا-پار كەلمەيتىن ەدى.

“The Qazaq Times”