Halıqaralıq jinalısta Iran basşısı Tramp ükimetin auır sınğa aldı. Foto: The Wall Street Journal.

Irannıñ vice-prezidenti Ali Akpar Salehi "Amerika Qwrama Ştatı 2015 jılı jasasqan yadrolıq kelisimdi bwzdı" dep ayıptadı. Kelisimniñ bolaşaq tağdırı turalı kelissözderdiñ mañızdı aptalığı bastalıp jatqan kezde jasalğan ayıptau, eki jaqtı qaqtığıstıñ küşeye tüsuine sebep boluı mümkin. Bwl turalı «The Wall Street Journal» basılımı habarladı.

Tramp ükimeti bilikke kelgeli AQŞ pen Iran arası tipti de alşaqtay tüsti. AQŞ prezidenti Donal'd Tramp kelesi ayda şeşim qabıldaytın kezde Irannıñ yadrolıq kelisimdi saqtaytınına sene almaytının aytıp edi. Bwl pikirler eki jaqtı kelisimniñ bwzıluına äser eteyin dep twr. 2015 jılğı kelisimnen keyin AQŞ Iranğa bağıttalğan sankciyalardıñ birqatarın toqtatqan edi. Eger Tramp Irannıñ yadrolıq kelisimdi orındağanına senbese, ol Kongrespen Iranğa qarsı AQŞ-tıñ sankciyaların qaytadan qoldanuğa mümkindik beredi.

Al keşe Salehi Venadağı Atom energiyası jönindegi halıqaralıq agenttiktiñ jıl sayınğı otırısında söylegen sözinde, Irannıñ 2015 jılı jasasqan kelisimdi tolığımen orındağanın alğa tarttı. Aytalıq, Iran kelisim boyınşa öziniñ yadrolıq bağdarlamasın qısqartqanın aytıp ötti. Atom energiyası jönindegi halıqaralıq agenttik Irannıñ yadrolıq kelisimdi saqtauına baqılau jasaydı.

Salehi AQŞ ükimetine qaratqan ayıptauında, Tramptıñ yadrolıq kelisimşarttı bwzuğa jol aşatın jäne kelisimdi jüzege asıruda Irannıñ zañdı müddelerine kedergi keltiretin sayasatın sınğa aldı.  Sonday-aq, is-äreketterin toqtatu turalı yadrolıq kelisimniñ hatı men ruhına qarsı ekenin atap ötti.

Salehidiñ ayıptau sözderi jahandıq köşbasşılar N'yu-Yorkte Birikken Wlttar Wyımı Bas Assambleyasına qatısu üşin jinalğan kezine säykes keldi. Erteñ, N'yu-Yorkte Iran jäne Irannıñ yadrolıq kelisimi turalı kelissözder jürgizgen tağı altı eldiñ sırtqı ister ministrleri kezdesedi. Eger AQŞ pen Irannıñ resmi ökilderi de qatıssa, bwl Tramptıñ prezident bolğan sätten bastap AQŞ pen Iran arasındağı kezdesudiñ eñ joğarı deñgeyi bolmaq. Solay desek te, kezdesuler eki el arasındağı qayşılıqtı şeşuge qanşalıq kömek jasay alatının anıq boljau qiın.

“The Qazaq Times”