Auğanstannıñ SİM basşısı qızmetin atqarıp otırğan Amir Han Mutaki mälimdedi. (Afghanistan's Foreign Minister Amir Khan Muttaqi speaks during a press conference at the foreign ministry in Kabul on September 14, 2021. (Photo by Hoshang Hashimi / AFP). Foto: Dierso.com

Tälipter BWW minberinen söylegisi keledi. Auğanstandı biligin alğan «Taliban» osı aptada ötip jatqan Bas Assambleya otırısında söz aluğa ötiniş bergen.

«Taliban» halıqaralıq qauımdastıqqa hat joldap, BWW Bas Assambleya otırısında söz aluğa ötiniş bergen jäne wyımnıñ Dohadağı ökili Suhail Şahindidi BWW-dağı elşisi retinde wsınğan. Bir ay bwrın tälipter Auğanstan biligin basıp alğannan keyin bwrınğı prezidenttiñ BWW-dağı ökilin tanımaytının mälimdegen.

BWW ökilderiniñ mälimdeuinşe, «Taliban» wyımınıñ resmi Auğanstan biligi retinde Bas Assambleyadağı qwqığı men ökilettiligi halıqaralıq qauımdastıqtıñ arnayı komiteti tarabınan qaralu üstinde. Bwl komitette 9 müşe el bolıp, olardıñ qatarında AQŞ, Resey jäne Qıtay da bar.

Elaralıq qauımdastıq ökilderiniñ aytuınşa kezekti otırısta tälipterdiñ söz berilui ekitalay. Sebebi, Bas Assambleya otırısı kelesi düysenbide aqırlasadı, oğan deyin BWW komiteti tarabınan «Talibannıñ» ökilettiligi tolıq tanıla qoymaydı. Sondıqtan oğan deyin bwrınğı prezident Aşraf Ğanidıñ BWW-dağı resmi ökili Gulam Isazay Auğanstan ökili bolıp  qala beredi.

Osığan deyingi Auğanstannıñ BWW-dağı resmi ökili Gulam Isazay. Foto: UN News

Kün tärtip boyınşa Gulam Isazay Bas Assambleya otırısınıñ soñğı küninde, 27 qırküyek küni söz aladı. Alayda, «Taliban» mälimdeme jasap, onıñ mälimdemesi men BWW-dağı missiyası aldağı Auğanstan missiyası bildirmeytinin ayttı.

The Qazaq Times