حالىقارالىق جينالىستا يران باسشىسى ترامپ ۇكىمەتىن اۋىر سىنعا الدى. فوتو: The Wall Street Journal.

يراننىڭ ۆيتسە-پرەزيدەنتى الي اكپار سالەحي "امەريكا قۇراما شتاتى 2015 جىلى جاساسقان يادرولىق كەلىسىمدى بۇزدى" دەپ ايىپتادى. كەلىسىمنىڭ بولاشاق تاعدىرى تۋرالى كەلىسسوزدەردىڭ ماڭىزدى اپتالىعى باستالىپ جاتقان كەزدە جاسالعان ايىپتاۋ، ەكى جاقتى قاقتىعىستىڭ كۇشەيە تۇسۋىنە سەبەپ بولۋى مۇمكىن. بۇل تۋرالى «The Wall Street Journal» باسىلىمى حابارلادى.

ترامپ ۇكىمەتى بيلىككە كەلگەلى اقش پەن يران اراسى ءتىپتى دە الشاقتاي ءتۇستى. اقش پرەزيدەنتى دونالد ترامپ كەلەسى ايدا شەشىم قابىلدايتىن كەزدە يراننىڭ يادرولىق كەلىسىمدى ساقتايتىنىنا سەنە المايتىنىن ايتىپ ەدى. بۇل پىكىرلەر ەكى جاقتى كەلىسىمنىڭ بۇزىلۋىنا اسەر ەتەيىن دەپ تۇر. 2015 جىلعى كەلىسىمنەن كەيىن اقش يرانعا باعىتتالعان سانكتسيالاردىڭ بىرقاتارىن توقتاتقان ەدى. ەگەر ترامپ يراننىڭ يادرولىق كەلىسىمدى ورىنداعانىنا سەنبەسە، ول كونگرەسپەن يرانعا قارسى اقش-تىڭ سانكتسيالارىن قايتادان قولدانۋعا مۇمكىندىك بەرەدى.

ال كەشە سالەحي ۆەناداعى اتوم ەنەرگياسى جونىندەگى حالىقارالىق اگەنتتىكتىڭ جىل سايىنعى وتىرىسىندا سويلەگەن سوزىندە، يراننىڭ 2015 جىلى جاساسقان كەلىسىمدى تولىعىمەن ورىنداعانىن العا تارتتى. ايتالىق، يران كەلىسىم بويىنشا ءوزىنىڭ يادرولىق باعدارلاماسىن قىسقارتقانىن ايتىپ ءوتتى. اتوم ەنەرگياسى جونىندەگى حالىقارالىق اگەنتتىك يراننىڭ يادرولىق كەلىسىمدى ساقتاۋىنا باقىلاۋ جاسايدى.

سالەحي اقش ۇكىمەتىنە قاراتقان ايىپتاۋىندا، ترامپتىڭ يادرولىق كەلىسىمشارتتى بۇزۋعا جول اشاتىن جانە كەلىسىمدى جۇزەگە اسىرۋدا يراننىڭ زاڭدى مۇددەلەرىنە كەدەرگى كەلتىرەتىن ساياساتىن سىنعا الدى.  سونداي-اق، ءىس-ارەكەتتەرىن توقتاتۋ تۋرالى يادرولىق كەلىسىمنىڭ حاتى مەن رۋحىنا قارسى ەكەنىن اتاپ ءوتتى.

سالەحيدىڭ ايىپتاۋ سوزدەرى جاھاندىق كوشباسشىلار نيۋ-يوركتە بىرىككەن ۇلتتار ۇيىمى باس اسسامبلەياسىنا قاتىسۋ ءۇشىن جينالعان كەزىنە سايكەس كەلدى. ەرتەڭ، نيۋ-يوركتە يران جانە يراننىڭ يادرولىق كەلىسىمى تۋرالى كەلىسسوزدەر جۇرگىزگەن تاعى التى ەلدىڭ سىرتقى ىستەر مينيسترلەرى كەزدەسەدى. ەگەر اقش پەن يراننىڭ رەسمي وكىلدەرى دە قاتىسسا، بۇل ترامپتىڭ پرەزيدەنت بولعان ساتتەن باستاپ اقش پەن يران اراسىنداعى كەزدەسۋدىڭ ەڭ جوعارى دەڭگەيى بولماق. سولاي دەسەك تە، كەزدەسۋلەر ەكى ەل اراسىنداعى قايشىلىقتى شەشۋگە قانشالىق كومەك جاساي الاتىنىن انىق بولجاۋ قيىن.

“The Qazaq Times”