Foto: Forbes

S&P reyting agenttiginiñ baspasöz habarlamasına səykes, Qazaqstannıñ reytingi keri boljamnan twraqtı boljamğa jaqsaruı arqılı " BBB-/A-3" deñgeyinde bekitildi. Bwl turalı QR Wlttıq ekonomika ministrliginiñ baspasöz qızmeti habarladı.

"Boljamdı jağımdı jaqqa qaray qayta qarauğa birqatar faktorlar əser etti, olardıñ arasında rezidentter depozitteri dollarlanuınıñ 2015 jıldıñ soñındağı 70 payızben salıstırğanda 2017 jılğı şildede 48 payızğa deyin kürt tömendeuiniñ arqasında aqşalay-nesie sayasatınıñ tiimdiliginiñ artuı bar. 2016 jıldan bastap ekonomikağa, onıñ işinde negizinen mwnay-gaz salasına tikeley şeteldik investiciyalardıñ twraqtı keluin esepke alsaq, S&P bwdan soñ aytarlıqtay sırtqı mindettemelerdi bolaşaqtağı qarjınıñ jılıstauı retinde qarastırmaydı", - delingen baspasöz habarlamasında.

Ministrlik habarlamasında bwdan basqa, Qazaqstan S&P bağalauı boyınşa 2017 jılı qarızdıq jüktemeniñ JİÖ-ge 17 payız şamasındağı tömen deñgeyindegi taza nesieler poziciyasın saqtap qalğanı aytılğan. Taratılğan aqparat boyınşa, bwl 2017 jıldıñ soñındağı Wlttıq qor aktivteriniñ JİÖ-ge 40% -dıq aytarlıqtay kölemin esepke ala otırıp, bolaşaqta qosımşa qarız berudiñ joğarı qabilettiligin qamtamasız etuge mümkindik beredi. S&P boljamdıq derekteri boyınşa, jaña salıq kodeksi de byudjetke tüsimderdiñ wlğayuına mümkindik bermek.

"Qazaqstan üşin oñ nesie reytingi bizdiñ elimizden tıs qarjığa qol jetkizu mümkindigin beretinin atap aytu qajet, yağni bizdiñ nesielik reyting joğarı bolğan sayın sırtqı narıqtağı qarız şartı da jaqsı bola tüsedi. Oñ nesielik reyting Qazaqstanğa tikeley şeteldik investiciyalardıñ keluine de ıqpal etedi", - delingen habarlamada.

Degenmen bwdan "Qazaqstan qarız aludı qayta köbeyte tüse me?" degen swraq tuındaydı. Onsızda qarızı köp eldiñ reytingi köterilgeni jaqsı bolğanmen, sırtqa borışker boludıñ auırtpalığı zor ekenin eskeruimiz qajet.

“The Qazaq Times”