AQŞ jäne onıñ odaqtastarınıñ basşıları. Foto: sale of military weapons.

AQŞ prezidenti osıdan birer kün bwrın jasağan mälimdemesinde, Japoniya men Oñtüstik Koreyağa satıp beretin eñ ozıq äskeri tehnikalardıñ sanın arttıratının mälimdegen bolatın. AQŞ, Japoniya jäne Oñtüstik Koreya joğarı lauazımdılarınıñ soñğı kezdegi közqarasında, üş eldiñ äskeri odaqtastığı aldağı uaqıtta tipti dami tüspek. Bwl turalı «Şinhua» resmi saytı habarladı.

Sarapşılardıñ pikirine jüginsek, AQŞ Japoniya men Oñtüstik Koreya ozıq äskeri qwral-jabdıqtardı satu kölemin wlğaytıp, sol arqılı Soltüstik Şığıs Aziyadağı odaqtastarınıñ äskeri quatın arttıra tüsedi. Bwl Soltüstik Koreyadan keletin qauip-qaterge odaqtastarınıñ qarsılıq quatın arttıru üşin jasalğalı otır. Alayda, bwl aldağı uaqıtta Korey tübegi mäselesinde belgisizdik pen şielenisti jağdaydı örşite tüsui mümkin dep qaraydı.

Küz ayınıñ alğaşqı küninde AQŞ prezidenti men Oñtüstik Koreya prezidenti telefonda söylesken kezde, amerikalıq ozıq äsker jabdıqtardan qwnı neşe mlrd twratın qarulardı satıp beru-satıp alu kelisimine kelgen. Oñtüstik Koreya Qorğanıs ministrliginiñ bergen mälimetinde, Amerika Qwrama Ştatınıñ Oñtüstik Koreya men Japoniyağa, Soltüstik Koreyadan keletin qaterlerge qarsı twra aluı üşin dästürli jäne yadrolıq ozıq qarulardı da satıp beruge kelisim bergenin ayttı. AQŞ pen Koreyanıñ Qorğanıs ministrleri telefon arqılı, Amerikanıñ strategiyalıq bombalauşı wşaqtarı men aviomatkaların (wşaq tasımaldauşı keme) Oñtüstik Koreyağa jiberu turalı keñesken.

Äzirge deyin naqtı qanday qaru-jaraqtardıñ satılatını turalı tolıq mälimet joq. Tek, Japoniya öziniñ  äue qorğanıs küşterin  jetildiru üşin «Patriot-3» zımıranınıñ «PAC-3MSE» bölimin satıp alatını belgili. Bwl qaru-jaraq satu men satıp alu Soltüstik Koreyamen qatar, Resey jäne Qıtaydıñ da alañdauın tuğızıp otır.

“The Qazaq Times”