"Sad" Zımıran jüyesi. Foto: Daily Star.

Bügin Reseydiñ Qiır-Şığısında (Vladivostok qalasında) ötip jatqan ekonomikalıq sammittiñ ekinşi küni. Japoniyanıñ prem'er-ministri Şinzo Abeniñ (Shinzo Abe) bügingi qızmet kün tärtibiniñ eñ mañızdı bir böligi - Resey prezidendi Vladimir Putinmen kezdesu. Kezdesudiñ bastı taqırıbı Soltüstik Koreya mäselesi boladı dep kütilude. Bwl turalı «The New York Times» basılımınıñ tañğı jañalıqtar toptamasında aytıldı.

Särsenbi küni Resey basşısı Soltüstik Koreya mäselesi turalı öz oyın aytqanda, qazirgi kezde jasalıp jatqan KHDR-ğa bağıttalğan ekonomikalıq qısımdar men äskeri şaralardı qatañ ayıptağan bolatın. Bwl şaralar Soltüstik Koreya mäselesin şeşuden köri odan arman uşıqtırıp jiberetinin aytqan edi. Ol sözinde: «Biz bwl mäselede emociyamen şeşim qabıldamauğa  tiispiz. Bwl Soltüstik Koreyanı tığırıqqa tireydi jäne älemdik ülken apatqa alıp kelui mümkin», – degen bolatın.

AQŞ prezidenti Donal'd Tramp älem elderi basşılarımen telefonda söylesu kezinde, Soltüstik Koreyamen kelissöz jasau turalı wsınıstardı qabıldamağan. Tramp men Qıtay basşısı telefonda söylesu kezinde, eki el basşısı ortaq pikirge kele almağanı turalı älemdik basılımdar jazdı. Al bügin, AQŞ-tıñ Seuldegi «Sad» zımıran jüyesin Seulge jaqın jerde ornalastıru isi ayaqtaladı dep kütilude. Osınıñ bäri Soltüstik Koreya mäselesindegi älem elderi men basşıları arasındağı dialogtardı jedeldete tüskenin körsetedi.

Ayta keteyik, Jer seriginen tüsirilgen suretterge qarağanda Soltüstik Koreyanıñ soñğı yadrolıq sınağınan tau köşkinderiniñ bolğanı anıqtalıp otır.

“The Qazaq Times”