H'yustondağı himiya zavodı. Foto: http://cn.wsj.com.

Harvi boranınan zardap şegip jatqan H'yustonnan 30 şaqırım qaşıqtıqqa ornalasqan “Arkema” attı himiyalıq zavodta jarılıs boldı dep habarlaydı BBC jäne The Wall Street Journal aqparat közderi.

Harvi boranınıñ bastalıp birneşe künnen keyin, “Arkema” kompaniyası zavodtıñ qauipsizdigin saqtau jüyesiniñ kerekten şıqqanın habarlağan edi. Kompaniya ökilderi eger ört şığıp ketken jağdayda onı söndirudiñ asa qiınğa soğatının mälimdegen bolatın.

Boran bastalğan kezde, ötken jwma küni, kompaniya öndiristi toqtatqan edi. Nöserden zavodtıñ aynalasın tügeldey su basıp ketken de, elektr jabdıqtarı tolıqtay kerekten şığıp ketken. Öndiris orınınıñ jauaptıları apattı jağdaydıñ aldın aluğa eş amaldarınıñ bolmay otırğanın aytadı.

Aymaqtağı (2,4 şaqırım aumaqtağı) twrğındar qauipsizdik üşin basqa aymaqtarğa köşip ketken. Qattı dauıl qazirge deyin 33 adamnıñ janın jalmağan. Bwl AQŞ-ta soñğı 13 jıl işinde bolmağan düley dauıl bolıp tirkeldi.

“The Qazaq Times”