حيۋستوندا حارۆي داۋىلىنىڭ سالدارىنان قاۋىپتى حيميالىق زاۆود ورتەندى

حارۆي بورانىنان زارداپ شەگىپ جاتقان حيۋستوننان 30 شاقىرىم قاشىقتىققا ورنالاسقان “Arkema” اتتى حيميالىق زاۆودتا جارىلىس بولدى دەپ حابارلايدى BBC جانە The Wall Street Journal اقپارات كوزدەرى.

حارۆي بورانىنىڭ باستالىپ بىرنەشە كۇننەن كەيىن، “Arkema” كومپانياسى زاۆودتىڭ قاۋىپسىزدىگىن ساقتاۋ جۇيەسىنىڭ كەرەكتەن شىققانىن حابارلاعان ەدى. كومپانيا وكىلدەرى ەگەر ءورت شىعىپ كەتكەن جاعدايدا ونى ءسوندىرۋدىڭ اسا قيىنعا سوعاتىنىن مالىمدەگەن بولاتىن.

بوران باستالعان كەزدە، وتكەن جۇما كۇنى، كومپانيا ءوندىرىستى توقتاتقان ەدى. نوسەردەن زاۆودتىڭ اينالاسىن تۇگەلدەي سۋ باسىپ كەتكەن دە، ەلەكتر جابدىقتارى تولىقتاي كەرەكتەن شىعىپ كەتكەن. ءوندىرىس ورىنىنىڭ جاۋاپتىلارى اپاتتى جاعدايدىڭ الدىن الۋعا ەش امالدارىنىڭ بولماي وتىرعانىن ايتادى.

ايماقتاعى (2,4 شاقىرىم اۋماقتاعى) تۇرعىندار قاۋىپسىزدىك ءۇشىن باسقا ايماقتارعا كوشىپ كەتكەن. قاتتى داۋىل قازىرگە دەيىن 33 ادامنىڭ جانىن جالماعان. بۇل اقش-تا سوڭعى 13 جىل ىشىندە بولماعان دۇلەي داۋىل بولىپ تىركەلدى.

“The Qazaq Times”