Soltüstik Koreyanı bilep twrğan Kim äuleti öziniñ sır-qwpiyaların eldiñ işi-sırtınan jasırıp-jauıp keledi. Soltüstik Koreyanıñ özinde de bwl äuletti büge-şigesine deyin biletin adamdar köp emes. Aytalıq, KHDR-nıñ eñ joğarı basşısı Kim Joñ Un (Kim Çen In/Kim Jong Un) bwrınğı bileuşi Kim Joñ Ildiñ (Kim Çen Ir/Kim Jong Il) balası bolıp, tek qana Kim Joñ Ildiñ qaytıs boluınan bir jıl bwrın ğana jwrt közine tüsken bolatın. Jasırın derekterde Kim Joñ Un basqa at paydalanıp Europa elderinde bilim alğan dep te aytıladı. BBC-diñ onlayn qızmeti Kim äuleti turalı bir qatar tıñ derekterdi jariya etti.

Kim Joñ Un jasırın atpen Europada oqığan degen derekter bar. Foto: The Chosun Ilbo.

2010 jıldıñ qırküyek ayındağı Kim Joñ Un Soltüstik Koreyanıñ sol kezdegi lideriniñ wlı, äri el biliginiñ mwrageri retinde jwrt aldına şıqtı. Onıñ balalıq şağı turalı anıq derek joq. Tipti tuılğan küni de belgisiz. 1983 nemese 1984 jılı düniege kelgen degen boljamdar ğana. Onıñ atası Kim Ir San otbası müşelerimen el aralauğa, otbası estelik suretterine tüsuge teris qaramağan. Biraq, onıñ wlı Kim Joñ Il sır saqtağış bileuşi boldı. Onıñ keminde tört äyeli bolğan degen derekter kezdesedi. Olardan üş wl bir qızğa äke bolğan.

Kim Joñ Unnıñ alğaş jwrt aldına şıqqan kezi. Foto: cnn.co.jp.

Sonıñ kişisi Kim Joñ Un. Kim Joñ Il qaza bolardıñ aldında onıñ taq mwrager bolatını, miraskerlerdiñ arasında taldaular bolatını turalı eşbir mälimdeme jasalmadı. Biraq, Kim Joñ Il qaza bolğannan keyin el biligine Kim Joñ Un keldi. Alayda, Kim Joñ Ildiñ balaları arasında kürdeli taqqa talas bolğanı aqpan ayında Kim Joñ Namnıñ (Kim Çen Nam) öliminen keyin ğana belgili boldı. Malayziyanıñ ortalıq qalasında äue jayda öltirilgen Kim Joñ Nam, qazirgi KHDR bileuşisiniñ bir äke eki şeşeden tuğan ağası bolıp sanaladı. Al, osıdan keyin köp ötpey ğalamtorda özin qaza tapqan Kim Joñ Namnıñ balasımın dep atalğan Kim Han Sol' esimdi jigittiñ videosı taradı. Bwl Soltüstik Koreyanı bileuşi äulettiñ işindegi bilik talasınıñ küşti ekenin ayğaqtadı.

Ağayındı Kimder. Foto: Daily Star.

Ötken jıldıñ soñınan beri jwrt közine tüspey ketken, Kim Joñ Unnıñ jwbayı Li Sol' Ju (Lee Seol-ju/리설주/李雪主;) säuir ayında üşinşi balasın düniege äkelgen. Kim Joñ Unnıñ qanşa balası bar jäne olardıñ wl nemese qız  ekeni turalı anıq mälimet taratılmağan. Degenmen, bileuşi Kimniñ birden bir şeteldik qonağı bolğan Dennis Rodman onıñ ekinşi balası Kim Ju E esimdi qız ekenin aytqan edi.

Kim Joñ Un jäne äyeli Li Sol' Ju. Foto: asian-sirens.net.

Li Sol' Ju turalı eşbir anıq derek joq. Bir mälimetterde onıñ änşi bolğanın aytadı. Koncerte än aytıp twrğan kezinde Kim Joñ Unnıñ közine tüsse kerek. Al onıñ üş balanı düniege äkelgeni turalı, tek qana, onıñ köpşilik aldına şıqqan jäne körinbey ketken kezderi arqılı boljanıp otır.

Kim Joñ Un taqqa otırıp, jwrt aldına şıqqan kezde onıñ janında bolğan jap-jas äyeldiñ kim ekeni turalı älem elderiniñ aqparat közderi talasa-tarmasa izdene bastadı. Sol kezde Pioñyañ (Phen'yan) mälimet berip, Li Sol' Judıñ eñ joğarı basşı Kim Joñ Unnıñ jwbayı ekenin, ol ekeuiniñ jas lider taqqa otırudan üş jıl bwrın nekege twrğanı turalı mälimet taradı. Sonımen birge eñ joğarı basşınıñ jarına eldegi jañaşıl jäne erkin tärtipti qadağalau mindeti jüktelgen.

Osınıñ bäri jas köşbasşınıñ liberaldıq jäne ortalıqşıl közqarastağı basqarudı qolğa aladı dep ümittendirgen. Alayda soñğı kezdegi KHDR-nıñ art-artınan ötkizgen zımıran sınaqtarı bwl eldiñ sırtpen bolğan qarım qatınasın tarihtağı eñ kürdeli de şieleniske tolı küyge jetkizip qoydı.

Dese de, osı eldi bilegen Kim äuletin kimder mwnşa sırlı küyde wstap otır degen swraqqa eşkim jauap bere almaydı. Tipti keybir eldiñ, äsirese orıs basılımdarı, Kim äuletimen AQŞ arasında qwpiya kelisim bar dep aytuğa qwmar. Biraq, Putin bilik basına kelu qarsañında Soltüstik Koreyağa saparmen barıp, sol kezdegi bileuşi Kim Joñ Ildiñ qızu qarsı aluına bölenip edi. Külli Pioñyañ twrğındarın köşege alıp şıqqan bwl qarsı alu, Keñes basşılarınıñ da, Resey prezidentteriniñ de eş qaysısına bwyırmağan qoşamet bolatın. Al, AQŞ pen keybir batıs basılımdarında Kim äuletiniñ artqı tiregi retinde Resey men Qıtaydı alğa tartatını da sodan bolsa kerek-ti.

“The Qazaq Times”