Tramp pen Tillerson. Foto: VOA News.

AQŞ-tıñ memlekettik hatşısı Reks Tillerson 27 şildede (Astana uaqıtımen 28 şilde tañerteñ)  «Fox News» arnasına bergen swhbatında Virjiniya ştatındağı Şarlottsvildegi näsildik zorlıq-zombılıq turalı Prezident Tramptıñ sözine qatıstı toqtaldı. Ol: «Prezidenttiñ sözi tek özine ğana ökildik ete aladı», – dedi. Bwl turalı «Şinlañ» aqparattıq saytı habarladı.

Tillerson swhbatta jürgizuşi Uolles hanımğa: «Amerika Qwrama Ştattarı erkindikti qorğauğa wmtıladı. Älemdegi adamdardıñ teñdigi üşin küresemiz. Amerikalıqtardıñ osı qwndılıqtarına eşkim de kümändana almaydı», – dedi. Alayda, Uolles hanım qayıra swraq qoyıp: «Olay bolsa prezidenttiñ bağalauın qalay tüsinemiz?», – degen sözine Tillerson: «Prezidenttiñ sözi tek özine ğana ökildik etedi», – dedi.

Osı sözden keyin Qwrama Ştattıñ aqparat qwraldarı ilip äketip, Şarlotsvilldegi oqiğağa Tramptıñ şının da baylanısı bar degen boljamdardı aytıp saldı. Al, Tillersonnıñ sözinşe, Tramptıñ sözi özine ğana ökildik etip, AQŞ ükimetiniñ poziciyası bolıp tabılmaydı eken. Daudıñ bası Tramptıñ näsilşildik oqiğasında aq näsildilerdiñ öktemdigin ayıptamağanınan bastalıp edi.

“The Qazaq Times”