Foto ğalamtor betterinen alındı.

Qıtay Ükimeti öz kompaniyalarınıñ şet memleketterge investiciya esebinde qwyatın qarjısına şekteu qoyudı qolğa alıp otır. Bwl soñğı jıldarı Qıtaydan sırtqa ketetin qarjı köleminiñ kürt artuına baylanıstı. Pekinde qabıldanğan jaña şeşim turalı CNN aqparattıq agenttigi jazdı. 

Qıtaylıq käsipkerler  üşin tartımdı sanalatın salalardıñ qatarına jıljımaytın mülik, qonay üy biznesi, sporttıq klubtar men oyın-sauıq keşenderin qarjılandıru jatadı.

Ötken jılı şetelge investiciya esebinde bağıttalğan qarjı rekordtıq körsetkişke jetkennen soñ, biılğı jıldıñ alğaşqı jartısında-aq qıtaylıq käsipkerlerdiñ  özge memleketterdegi jobalardı qarjılandıruı 46 payızğa qısqardı.

Joğarıda atalğan investiciyalıq tartımdılığı joğarı  salalarğa salınğan investiciya 80 payızğa tömendedi. Bwl Qıtaydıñ investiciyasına arqa süyep otırğan damuşı memleketterdiñ ekonomikasına erekşe soqqı bolıp tieri anıq.

“The Qazaq Times”