Foto: sk-pharmacy.kz

Däri-därmekti satıp alu boyınşa birıñğay distrib'yutor «SQ-Farmaciya» JŞS 2017 jılğı epidemiologiya mausımına twmauğa qarsı bir jarım millionday doza vakcina satıp aldı. Bwl turalı distrib'yutordıñ baspasöz qızmeti habarladı.

Birıñğay distrib'yutor basqarma törağası Maksim Kasatkinniñ aytuınşa, vakcinanıñ mwnday kölemin jetkizu şartı tender qorıtındıları boyınşa 2016 jıldıñ qaraşa ayında jasalıp qoyğan. Halıqtıñ neğwrlım osal tobına tegin vakcinaciya jasau üşin memleket 1,2 mlrd teñgeden asa qarajat jwmsadı.

«Satıp alulardı jüzege asıru ötken jıldıñ küzinde bastalğan bolatın, alayda jetkizu epidmausımnıñ eñ basına, yağni 2017 jıldıñ qırküyegine josparlanğan. Qazir osı mezgil jetti jäne jaqın arada önim beruşi birıñğay distrib'yutordıñ qoymalarına vakcinanı tüsiru jwmıstarın bastaydı», - dep tüsindirdi Maksim Kasatkin.

Ol, sonımen qatar, eger qosımşa qajettilikter tuındağan jağdayda önim beruşi qazaqstandıqtar üşin tağı da jartı million dozağa deyin vakcina jetkize alatının habarladı.

Ayta keteyik, qazirgi kezde twmau virusınan halıqtı vakcinaciyalau boyınşa belsendi jwmıs jürgizilip jatqanmen, onı qoldanuşılar bwl medkömekke twtınudı azaytqan. Mwnı Densaulıq saqtap ministrligi de aytqan bolatın.

“The Qazaq Times”