AQŞ prezidentiniñ Auğanstandağı amerika äskeriniñ sanın köbeytu şeşimi jariyalanğan kezde, prezident Tramp Auğanstandağı Talibandardı Päkistannıñ qoldap kelgenin aytqan bolatın. Alayda, Päkistan ükimet basşıları arasında 5 sağatqa sozılğan jinalıstan keyin mälimdeme jasap,  AQŞ prezidentiniñ Päkistandı qaralauına qarsılıq bildirdi. Bwl turalı «Türik Tele-Radio» qızmetiniñ resmi saytı habarladı.

Päkistan Wlttıq qauipsizdik keñesi prem'er-ministr Şahid Hakan Abbasi basşılığında jinalıs ötkizdi. Olar AQŞ-tıñ bwl qaralauı Auğanstan twraqtılığı üşin eş kömektese almaydı degen pikirde. Kerisinşe, Auğanstandağı terror wyımdardıñ bekinisterin joyu mindeti bar ekenin eskertti.

Mälimdemelerinde Auğanstan soğısı eşuaqıtta Päkistanda jürgizilmeytini aytıldı. Päkistan Wlttıq qauipsizdik keñesiniñ közqarasında, Päkistandağı terrorlıq şabuıldardıñ artıp ketuinde AQŞ-tıñ jauapkerşiligi bar dep qaraydı. Sebebi olar: "AQŞ Auğanstandağı jäne öñirdegi Terrorlıq wyımdardıñ bekinisterin tazarta almay otır" deydi.

“The Qazaq Times”