Oñtüstik Aziyadağı üş elde – Ündistan, Bangladeş jäne Nepalda bolğan su tasqınınan 24 tamızğa deyin 1000-nan astam adam qaza tauıp, milliondağan adam zardap şekti. Bwlardıñ basım köbi qazirge deyin qwtqaru kömegin kütip otır. Bwl turalı «Şinhuanıñ» aqparattıq saytı habarladı.

Bihar twrğındarı üylerin tastap ketude. Foto: CNN.

Üş eldiñ Tötenşe jağdaylar departamenti körsetken statistikalıq mälimetterge qarağanda,  teñiz dauılı men qolaysız aua rayı bastalğan 10 tamızdan beri üş eldiñ qwtqaru qızmeti 1009 adamnıñ mäyitin tapqan. Apattı öñirler arasında Ündistannıñ şığısındağı Bihar aymağında jağday tım auır. Memlekettik kömek körsetu böliminiñ bastığı Arnol'd Kumar AFP-ge bergen swhbatında qwtqaruşılar 23 tamızğa deyin Biharda 367 adamnıñ su tasqınınan qaza bolğanın aytqan. Twtas Bihar aymağınan 450 mıñ adam evakuaciyalanğan jäne ükimettiñ qwtqaru sarayına ornalastırılğan. 19 aymaqta zardap şekkenderdiñ sanı 11 mln adamğa jetken.

Uttar-Pradeş twrğındarı. Foto: The Indian Express.

Biharğa jaqın Uttar-Pradeş aymağındağı halıq sanı 220 million adam. Ündistan boyınşa halıq tığızdığı eñ joğarı aymaq. Al osı aymaqtıñ jartısınan köbi su astında qalğan. Äzirge deyin 84 adam qaza bolıp, 2 mln adam zardap şekken.

"Suğa ketken wşaq". Foto: BBC News.

Uttar-Pradeşpen şekaralas Nepalda da 114 adam qaza tauıp, 80 mıñ adam şatırlardı panalap otır. Al Bangladeşte  137 adam köz jwmıp, 7,5 mln adam zardap şekti. Bwl sol aymaqta 15 jıldan beri bolıp körmegen su tasqını.

“The Qazaq Times”