وڭتۇستىك ازياداعى ءۇش ەلدە – ءۇندىستان، بانگلادەش جانە نەپالدا بولعان سۋ تاسقىنىنان 24 تامىزعا دەيىن 1000-نان استام ادام قازا تاۋىپ، ميلليونداعان ادام زارداپ شەكتى. بۇلاردىڭ باسىم كوبى قازىرگە دەيىن قۇتقارۋ كومەگىن كۇتىپ وتىر. بۇل تۋرالى «شينحۋانىڭ» اقپاراتتىق سايتى حابارلادى.
بيحار تۇرعىندارى ۇيلەرىن تاستاپ كەتۋدە. فوتو: CNN.
ءۇش ەلدىڭ توتەنشە جاعدايلار دەپارتامەنتى كورسەتكەن ستاتيستيكالىق مالىمەتتەرگە قاراعاندا، تەڭىز داۋىلى مەن قولايسىز اۋا رايى باستالعان 10 تامىزدان بەرى ءۇش ەلدىڭ قۇتقارۋ قىزمەتى 1009 ادامنىڭ ءمايىتىن تاپقان. اپاتتى وڭىرلەر اراسىندا ءۇندىستاننىڭ شىعىسىنداعى بيحار ايماعىندا جاعداي تىم اۋىر. مەملەكەتتىك كومەك كورسەتۋ ءبولىمىنىڭ باستىعى ارنولد كۋمار AFP-گە بەرگەن سۇحباتىندا قۇتقارۋشىلار 23 تامىزعا دەيىن بيحاردا 367 ادامنىڭ سۋ تاسقىنىنان قازا بولعانىن ايتقان. تۇتاس بيحار ايماعىنان 450 مىڭ ادام ەۆاكۋاتسيالانعان جانە ۇكىمەتتىڭ قۇتقارۋ سارايىنا ورنالاستىرىلعان. 19 ايماقتا زارداپ شەككەندەردىڭ سانى 11 ملن ادامعا جەتكەن.
ۋتتار-پرادەش تۇرعىندارى. فوتو: The Indian Express.
بيحارعا جاقىن ۋتتار-پرادەش ايماعىنداعى حالىق سانى 220 ميلليون ادام. ءۇندىستان بويىنشا حالىق تىعىزدىعى ەڭ جوعارى ايماق. ال وسى ايماقتىڭ جارتىسىنان كوبى سۋ استىندا قالعان. ازىرگە دەيىن 84 ادام قازا بولىپ، 2 ملن ادام زارداپ شەككەن.
"سۋعا كەتكەن ۇشاق". فوتو: BBC News.
ۋتتار-پرادەشپەن شەكارالاس نەپالدا دا 114 ادام قازا تاۋىپ، 80 مىڭ ادام شاتىرلاردى پانالاپ وتىر. ال بانگلادەشتە 137 ادام كوز جۇمىپ، 7,5 ملن ادام زارداپ شەكتى. بۇل سول ايماقتا 15 جىلدان بەرى بولىپ كورمەگەن سۋ تاسقىنى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى