Foto: Baq.kz

2017 jıldıñ 16 tamızınan bastap tozığı jetken kölik qwraldarın tapsırğandarğa beriletin aqşalay ötemaqı uaqıtşa toqtatıldı.  «Öndiruşilerdiñ keñeytilgen mindettemeleriniñ operatorı» JŞS habarladı.

"Bwğan, QR energetika Ministrliginiñ 2017 jılğa bölgen kvota sanı merziminen bwrın igerilip otırğanı sebep bolıp otır. Qazirgi uaqıtta  «ÖKM Operatorı» JŞS QR energetika Ministrligine eski kölikterdiñ qwnın öteu bağdarlaması boyınşa qosımşa kvota bölu jöninde swrau-hat joldadı. Kölik tapsıruşılar üşin qajetti aqparattar «ÖKM Operatorınıñ» resmi saytında jäne äleumettik jelidegi resmi paraqşasında jariyalanatın boladı", - delingen baspasöz habarlamasında.

Operator jaña kölikti satıp aluğa jeñildik beretin sertifikat bağdarlaması Qazaqstanda belsendi jwmıs istep twr. Bağdarlama ayasında jeñil, jolauşılar jäne jük köligin ötkizip, 315 mıñ teñgeden 650 mıñ teñgege deyingi jeñildik sertifikatın aluğa boladı.

“The Qazaq Times”