Foto: takprosto.cc

Ğalımdardıñ payımdauınşa, AQŞ-tağı prezident saylauında Donal'd Tramptıñ jeñisi  men Wlıbritaniyanıñ Euro Odaqtan ketui – lidersiz qalğan halıqtıñ  aşu-ızasınıñ körinisi. Osığan baylanıstı fizik-teoretik Stiven Hokingtiñ aytarı bar.

    «Ekonomikalıq jahandanu men tehnikalıq progresstiñ şarıqtap damuı adamzat üşin qauipti. Öndiristiñ avtomatizaciyalanuı – basqaruşılar men kreativti klasstağı adamdardan basqasın, jwmıssızdıqqa aparadı. Sodan ekonomikalıq twraqsızdıq payda boladı. Ğalamtor az adamğa ülken kölemde payda tabuına mümkindik beredi. Biz onsız da ekonomikalıq teñsizdik artıp keletin zamanda ömir sürip jatırmız. Qazirgi tañda adamdardıñ ömir süru deñgeyi ğana emes, özin-özi qamtamasız ete alatınday jwmıs jasau  qabilettiligi de joğalıp baradı». 

Auıldağı kedeyşilikten arılamız degender ümit otın arqalap qalağa  jetedi. Alayda, olar elestetip, añsap kelgen «jwmaq»  bwl jerde de qoljetimsiz ekendigine köz jetkizedi. Sodan basqa qalağa... Migranttar...

«Adamdar däl osı kezeñde jwdırıqtay jwmılıp, birge jwmıs jasauı qajet. Biz klimattıñ özgerui, azıq-tüliktiñ jetispeui, mwhittardıñ totığuı men türli epidemiyalar sındı ekologiyalıq problemalarğa tap boldıq. Bwl degeniñiz, adamzat üşin eñ qauipti uaqıt tudı degen söz. Biz özimizdiñ planetamızdı joyuğa qauqarlı tehnologiyalar oylap taptıq. Bizde äzirşe adamzat mekendeytin bir-aq planeta bar. Sol «jalğımızdı» birge qorğauımız kerek», – deydi Stiven Hoking.

Eger älemdegi elder migraciyanıñ ösimimen küres jürgize almay jatsa, jalpı halıq birigip jahandıq damuğa öz ülesterin qosu kerek. Tek sonda ğana migranttar tınış ömir men jarqın bolaşaqtı öz elderinen izdeytin boladı. Rasımen, XXI ğasırda adam balası özin-özi jäne älemdi qızıqtap jür. Jerdegi ömirdi saqtap qalu üşin är adam oğan (Jerge) jäne özgege degen qarım-qatınasın özgertui kerek. Jer degenimiz – ÖMİR. Onı saqtau – adamzat üşin parız.

“The Qazaq Times”