Foto: kommersant.uk

Wlıbritaniya Euorpalıq odaqtıñ qwramınan 2019 jıldıñ naurız ayında tolıq şığadı. Bwl turalı Rosbalt saytı habarladı. 

Wlıbritaniyanıñ qarjı ministri Filip Hammond pen Sırtqı sauda ministri Liam Foks The Telegraph basılımına jariyalağan maqalalarında Brexit turalı aytqan. "Biz ötpeli kezeñ wlttıq müddeniñ ilgerileuine jäne bizneske ülken mümkindik beredi dep sanaymız. Alayda bwl Europalıq odaqta qaluğa negiz bolmaydı", - dep jazğan ministrler.

Sonday-aq, olar "Wlıbritaniya "jasırın" türde odaqqa müşe bola berui mümkin" degen qauesetke de jauap berdi.

"Biz kedendik odaqtan şığamız jäne aşıq sauda seriktestigi boyınşa tauarğa qatıstı üzdik kelisimderdi eşbir mindetterdi orındamastan jasay alamız", - dedi ministrler.

Ayta keteyik, Wlıbritaniya Europalıq odaqtan şıqqan jağdayda öziniñ mindettemelerin orındau üşin 36 mlrd funt sterling (40 mlrd euro nemese 47 mlrd dollar) töleuge dayın ekenin mälimdegen.

“The Qazaq Times”