Foto: Obzor pressı

Soltüstik Koreyanıñ sınaqtan ötkizip jatqan zımırandarınıñ barlığı reseylik zımırandar - dep jazadı Nemis tolqını aqparat agenttigi.

Soñğı uaqıtta älem nazarın özine audartqan Soltüstik Koreya men AQŞ teketiresi jäne KHDR zımıran sınaqtarı jayında Germaniyanıñ Myunhen tehnikalıq universitetiniñ professorı, injener-zımıran qwrastıruşı Robert Şmuker Nemis tolqınına bergen swhbatında:

«AQŞ pen Soltüstik Koreyanıñ bir-birine jasap otırğandarınıñ barlığı dalbasa. Ekeuide yadrolıq qaru qoldanuğa barmaydı. Bwnıñ barlığı sayasi oyın. Al KHDR-nıñ şilde ayınıñ soñında wşırğan «Hvoson-14» qwrlıqaralıq zımıranına keletin bolsaq. Biz onı zerttep kördik bizdiñ esebimiz boyınşa, 1 tonna salmağı bar zımıran wzağanda 5200 şaqırımğa wşa aladı eken. Ol wzaq qaşıqtıqqa wşsa wşatın şığar. Biraq «Hvoson-14» qwrlıqaralıq zımıran emes. Jalpı 1984 jıldan beri Soltüstuk Koreya zımırandarınıñ birde biri belgili bir nısanağa bağıttalıp wşırılğan emes. Osı uaqıtqa deyin Soltüstik Koreya zımıran sınaqtarınıñ demo nwsqasın ötkizip keldi. Onıñ üstine olar wşırğan zımırandardıñ barlığı keñester odağınan qalğan eski zımırandar boldı. Pioñyañnıñ (Phen'yanıñ) 2016 jılğa deyin wşırıp kelgen zımırandarınıñ barlığı keñester odağınıñ «SCUD», «Nodon» jäne «Toçka» zımırandarı. Al soñğı 14 ayda sınaqtan ötkizip jatqan raketaları «SCUD» zımırandarınıñ sanatına jatpaydı. Biraq barlıq sınaqtan ötken zımırandardıñ qozğaltqıştarı reseylik tehnologiyamen jasalğan. Bwl degenimiz Soltüstik Koreya zımırandardı özderi jasamaydı, tek qwrastıradı degen söz. Bwlay deytin sebebim zımırandı jasap şığu üşin qıruar qarjı men uaqıt kerek. Onıñ üstine jasap şıqqan zımırandarıñnıñ barlığı sınaqtan sätti öte beru degen zımıran qwrastıru tarihında bolmağan jağday. Men eşqanday eldiñ biligin kinälağım kelmeydi. Biraq Soltüstik Koreyağa reseylik zımıran bölşekterin ne Reseydiñ özi nemese bwrınğı keñester odağınıñ qwramında bolğan elder jetkizip otır» - degen.

Bwdan bölek Robert Şmuker Soltüstik Koreyanıñ AQŞ-tıñ äskeri bazası ornalasqan Guam aralın atqılaymın degen mälimdemesine: «Kezinde Liviya basşısı Kaddafide Jerorta teñizindegi Italiya aralın atqılamaq bolğan. Biraq onısınan tük şıqqan joq. Sebebi zımırandı atu bar da, onı nısanğa tigizu bar. Osıdan aq nısananı közdeudiñ qanday qiın ekendigin añğaruğa boladı» - degen.

“The Qazaq Times”