Foto: BBC.com

Densaulıq salasında jwmıs istep jatqan jeke wyımdardıñ tabısı men şığını memlekettik medicinalıq mekemelerdikine qarağanda äldeqayda tiimdirek. 2016 jılı jeke densaulıq saqtau wyımdarınıñ tabısı salıq tölengennen keyin 9,4 mlrd teñgeni qwrağan. Al memlekettik mekemelerdiñ şığını 1,8 mlrd teñge boldı.

Finprom.kz agenttiginiñ mälimetinşe, medicinadağı jeke sektorlardıñ tabısı birden joğarılağan. 2015 jılğı deñgeymen salıstırğanda jeke menşik klinikalardıñ tabısı 2,5 esege ösken.

Al memlekettik klinikalar bolsa soñğı tört jılda, yağni 2013 jıldan beri şığınğa wşırap keledi. Memlekettik sektordağı eñ qiın jağday 2015 jılı teñge erkin aynalımğa jiberilgen kezeñde qalıptasqan. Sebebi teñgeniñ älsireui sebebinen importtıq medincinalıq qwraldardıñ bağası ösip ketken. Osı uaqıtta memlekettik medicinalıq mekemeler 5,1 mlrd teñge köleminde şığınğa wşırağan.

Sonday-aq, ayta ketetin jayt 2016 jılı memlekettik medicinalıq mekemelerdegi kiris 20,9%-ğa köbeygen. Al 2015 jılı kiris soması 7,4%-ğa qısqarıp ketken. Alayda memlekettik sektordağı şığın da tabıspen tepe-teñ bolıp otır. 2016 jılğı şığın 20,1%-ğa ösip otır.

Ayta keteyik, osı jıldıñ şılde ayınan bastap mindetti äleumettik medicinalıq saqtandıru jüyesi engizildi. Densaulıq saqtau ministrliginiñ mälimetinşe, bwl memlekettiñ, azamattardıñ, jwmıs beruşilerdiñ jauapkerşiligin arttırıp, medicina salasında bäsekelestik ornaydı.

Degenmen endi osı jüye arqılı jinalğan qarjı memlekettik mekemelerdiñ şığının jabuğa ketpese bolğanı.

“The Qazaq Times”