Süriyanıñ oñtüstigindegi Resey qarulı küşteri. Foto: Pars Agency

Süriyanıñ oñtüstigindegi Resey äskeri küşteri sol öñirdegi Izrail' qarulı küşterine soğıstı toqtatu turalı eskertu jasadı. Äri, janjaldı toqtatpağan jağdayda Resey qarımta jauabın qaytaratının da eskertti. Bwl turalı «Pars.Aqparat/Pars agency» habarlap otır.

Süriyanıñ oñtüstik öñirindegi Resey äskeri baqılau küşteri qolbasşısınıñ orınbasarı Aleksey Kuzin eskertuinde bılay dedi: «Tel'-Aviv Süriyağa şabuıl josparı men nietin birden toqtatuı kerek. Esesine, öñirdegi atıstı toqtatu bitimin qatañ saqtauı tiis. Eger Izrail' kelisimdi bwzıp, şabuıl bastaytın bolsa, onda Resey jaq kelisimdi qorğauşı retinde Izrail'ge qatañ jauap qaytaradı», – dedi.

AQŞ pen Resey arasında jasalğan «Süriyanıñ oñtüstigi turalı kelisim» Izrail'diñ alañdauşılığın tudırıp otır. Sebebi, Resey qarulı küşteri Süriyanıñ oñtüstigin baqılauğa alar bolsa, ükimetke qarsı toptardıñ qarulı küşteri Izrail' şekarasınan alıstaydı dep kütken bolatın. Alayda, qarsı toptar äli de sol öñirden qozğalmağan. Bwl Izrail' ükimetin alañdatıp, Süriyanıñ oñtüstigine öz eliniñ qauipsizdigin sıltau etip, soğıs qozğağalı otırğandarın aytqan edi. Biraq, bwğan Resey qatañ eskertu jauabın berdi.

“The Qazaq Times”