يزرايل سوعىس باستاسا رەسەي قاتاڭ جاۋاپ بەرەتىنىن اشىق ايتتى

ءسۇريانىڭ وڭتۇستىگىندەگى رەسەي اسكەري كۇشتەرى سول وڭىردەگى يزرايل قارۋلى كۇشتەرىنە سوعىستى توقتاتۋ تۋرالى ەسكەرتۋ جاسادى. ءارى، جانجالدى توقتاتپاعان جاعدايدا رەسەي قارىمتا جاۋابىن قايتاراتىنىن دا ەسكەرتتى. بۇل تۋرالى «پارس.اقپارات/Pars agency» حابارلاپ وتىر.

ءسۇريانىڭ وڭتۇستىك وڭىرىندەگى رەسەي اسكەري باقىلاۋ كۇشتەرى قولباسشىسىنىڭ ورىنباسارى الەكسەي كۋزين ەسكەرتۋىندە بىلاي دەدى: «تەل-اۆيۆ سۇرياعا شابۋىل جوسپارى مەن نيەتىن بىردەن توقتاتۋى كەرەك. ەسەسىنە، وڭىردەگى اتىستى توقتاتۋ ءبىتىمىن قاتاڭ ساقتاۋى ءتيىس. ەگەر يزرايل كەلىسىمدى بۇزىپ، شابۋىل باستايتىن بولسا، وندا رەسەي جاق كەلىسىمدى قورعاۋشى رەتىندە يزرايلگە قاتاڭ جاۋاپ قايتارادى»، – دەدى.

اقش پەن رەسەي اراسىندا جاسالعان «ءسۇريانىڭ وڭتۇستىگى تۋرالى كەلىسىم» ءيزرايلدىڭ الاڭداۋشىلىعىن تۋدىرىپ وتىر. سەبەبى، رەسەي قارۋلى كۇشتەرى ءسۇريانىڭ وڭتۇستىگىن باقىلاۋعا الار بولسا، ۇكىمەتكە قارسى توپتاردىڭ قارۋلى كۇشتەرى يزرايل شەكاراسىنان الىستايدى دەپ كۇتكەن بولاتىن. الايدا، قارسى توپتار ءالى دە سول وڭىردەن قوزعالماعان. بۇل يزرايل ۇكىمەتىن الاڭداتىپ، ءسۇريانىڭ وڭتۇستىگىنە ءوز ەلىنىڭ قاۋىپسىزدىگىن سىلتاۋ ەتىپ، سوعىس قوزعاعالى وتىرعاندارىن ايتقان ەدى. بىراق، بۇعان رەسەي قاتاڭ ەسكەرتۋ جاۋابىن بەردى.

“The Qazaq Times”