Foto: youtube.com

Jattığu jäne mezgilsiz ölimdi zertteu institutınıñ zertteu saraptamasına qarağanda, ömir sürudi barınşa wzartu üşin jügiru eñ tiimdi jattığu sanaladı eken. Jaña zertteu nätijeleri körsetkendey, jügiru dağdısı joq adamğa qarağanda, ünemi jügirip äreket jasaytın adam keminde üş jıl artıq ömir süredi eken. Zertteuşiler basqada äreketterdi salıstıra zertey kele türli sporttıq jattığular arasında jügirudiñ adam ömirin wzartuğa, salauattı ömir wstanuğa barınşa tiimdi ekenin zerttep anıqtağan. Bwl turalı «The New York Times» basılımı jazğan bolatın.

Bwl zertteu qortındısın üş jıl bwrın qwrılğan zerrteuşiler tobı Dallas Kuper institutınıñ medicinalıq jäne dene fitnes sınaq mälimetterin jiti qarap zertteu arqılı qolğa keltirgen. Nätijesinde, tipti siz är küni bes minui uaqıttı jügiruge arnasañız da sizdiñ wzaq ömir süruiñizge äser etedi degen qorıtındığa keledi.

Zertteuşiler özderine kelip tüsken swraularğa jauap beruge tırıstı. Basım köp adamdar özge sporttıq jattığular wzaq salauattı ömir sürude jügirumen birdey ıqpal ete me degen saualdardı qoyğan. Al, wzaqqa jügiruşi sportşılar nemese äueskerler jattığu barısında nemese özi maqsat etken nısanağa jügirip jetkennen keyinde sanalarında: osı meniñ qwlşınısım şınımen meniñ wzaq äri salauattı ömir süruime paydası bar ma, älde qwr aram ter bolıp jürmin be dep oylaytındarın da jasırmağan. Endi bir top adamdar, jügirip twru qanşalıqtı paydalı? Mezgilsiz ölimnen saqtanu üşin azaptı jügiristerdiñ sirä qanşalıqtı paydası bar? Bir jıl artıq ömir süru üşin mwnşalıq azaptı jattığular bergen bodaudı ötey ala ma dep te kümändanatındarın jetkizdi.

Zertteuşiler jekelegen adamdardan kelgen osı swraqtarğa jauap tabu üşin qwlşınıs jasadı. Kuper institutında jinaqtalğan derekterdi saraladı. Sonday-aq, basqa da soñğı auqımdı zertteu nätijelerin taldap qozğalıs men ölim arasındağı korrelyaciyalıq baylanıstı tabuğa tırıstı. Aqırı ğalımdar mınaday qorıtındı jasadı: qimıl-ärekettiñ tez-aqırındığına, wzaq-qısqalığına qaramastan, jügiru mezgilsiz ölim qaupin 40 payzğa azaytadı. Alayda, bwl körsetkişke temeki şegu, alkogol' twtınu jäne joğarı qan qısımı, semizdik qatarlı ädetter men auru tarihı bar adamdar kirmeydi.

Ğalımdar osı jäne özgede jügiru ädeti joq adamdar birden jügirudi ädetke aynaldırar bolsa, merzimsiz ölim mölşeri 16 % mölşerinde tömendeydi, äri ölimge sebepşi bolatın auırularğa jwğımdalu salıstırması 25 payızğa azayadı dep otır. Kuper institutındağı zertteu nısanı bolğan adamdarğa qoyılğan talap boyınşa bir aptada eki sağat uaqıttı jügiruge arnaydı. Zretteu nätijesi körsetkendey, mwnday dağdıdağı adam 40 jas jasadı desek, jügiruge bölgen uaqıtı 6 aydan aspaydı. Alayda, ol ömiri 3,2 jılğa wzaradı. Taza qwnı 2,8 jıl dep körsetedi. Osığan qarap ğalımdar 1 sağat jügiru, ğwmırdı 7 sağatqa wzartadı dep eseptegen.

“The Qazaq Times”