Eurokeñes basşısı Donal'd Tusk. Foto: IA Regnum

Eurokeñes basşısın Pol'şa bas prokuraturası 8 sağat boyı tergeuge aldı, dep habarlaydı Oxu.az aqparat közi.

Varşava qalasında Pol'şa bas prokuraturası 2010 jılğı  el prezidenti Leh Kaçin'skiy qaytıs bolğan Smolensk apatın tekseru barsında jibergen qatelikteri üşin, Eurokeñes basşısı Donal'd Tuskti 8 sağat boyı tergegen. Oxu.az mälimetinşe,Tusk Bas prokuratura ğimaratına tañğı sağat 10:00-de kirip, keşki sağat 18:00-de biraq şıqqan.

Donal'd Tusk tergeu aldında söylegen sözinde: «Meniñ bergen jauaptarımnan apattı tekseru jwmıstarı özgerip ketpeydi» - degen. Al Pol'şa prokuraturasınıñ resmi ökili Arkadiuş YAraşek: «Tusktıñ apattı zertteude jibergen bastı qateligi, onıñ apattan köz jwmğan adamdardıñ denelerin sot-medicinalıq saraptamasınan ötkizbegendigi jäne Resey aumağında jürgizilgen zertteu jwımıstarına Pol'şa tarapınan eşkimdi qatıstırmauı» - dep mälimdegen.

Bwdan bölek prokuratura ökili Smolensk apatına kinäli adamdar äli jazasın almağandığın jäne aldağı uaqıtta tergeu jwmıstarına baylanıstı tolıqqandı aqparat beretindikterin aytqan.

Esteriñizge salayıq, bwğan deyin Pol'şa prokuraturası Eurokeñes basşısın säuirdiñ 19-ı küni tergegen bolatın. Ol kezde de tergeu jwmıstarı 8 sağatqa sozılğan.

“The Qazaq Times”