فوتو: fishki.net

جاقىندا ۇلى بريتانيانىڭ YouGov كومپانياسى باتىستاعى توعىز مەملەكەتتە (اقش-تى قامتىعان) ارناۋلى ساۋالناما جۇرگىزگەن بولاتىن. ساۋالانام ناتيجەسىندە كوپتەگەن باتىستىق ازاماتتار الەمدى ءۇشىنشى دۇنيە جۇزىلىك سوعىس قاۋپىندە تۇر دەپ ساناعان.

رەسەيلىك «Informing» اقپاراتتىق سايتى دا ساۋالناما ناتيجەسىن اشىپ كورسەتتى. ساۋالناما ناتيجەسى بويىنشا امەريكالىقتاردىڭ باسىم كوبى ءۇشىنشى دۇنيە سوعىسى تۋىلماي قويمايدى دەپ سانايتىنى بەلگىلى بولعان. رەسپوندەنتتەردىڭ 64 پايىزى الەمنىڭ ءىرى قارۋلى قاقتىعىس الدىندا تۇرعانىن ايتادى. ساۋالناماعا قاتىسقانداردىڭ 15 پايىزى عانا قاراما-قارسى پىكىردى جاقتاعان. الەم سوعىس قاۋپىندە تۇر دەيتىن تۇلعالار ونىڭ سەبەبىن  تەررورلىق شابۋىلدار جانە سيريا، ورتا شىعىستاعى قارۋلى قاقتىعىستار كەلتىرىپ شىعارادى دەپ كورسەتكەن. ۇلى بريتانيادا بۇل كورسەتكىش 61 پايىز بەن وعان قارسى 19 پايىزدى كورسەتەدى.

YouGov كومپانياسىنىڭ ساياسات جانە قوعامدىق ماسەلەلەر جونىندەگى جاۋاپتى مەڭگەرۋشىسىنىڭ ايتۋىنشا، فرانتسيالىقتار مەن اقش ازاماتتارىنىڭ دۇنيە سوعىس قاۋپىنە قاراتقان كوزقاراستارى مەن سوعىستىڭ تۋىلۋىنا كورسەتكەن سەبەپتەرى دە  بىردەي ەمەس. ونىڭ ايتۋىنشا ارمەريكالىقتاردى ءۇشىنشى الەم سوعىسىنان گورى ەندى عانا تاققا وتىرعان ترامپتىڭ ساياساتى تۇراقسىزدىققا الىپ باراما دەگەن ماسەلە الاڭداتادى. ال فرانتسيالىقتار لاڭكەستىك شابۋىلدان كوبىرەك قورقادى، 81 پايىز رەسپوندەنتتەر فرانتسيادا جاقىن ارادا جاڭا لاڭكەستىك شابۋىلدار بولادى دەپ سانايدى.

رەسەيدەگى تاۋەلسىز «لەۆادا»  الەۋمەتتانۋ ورتالىعى وتكەن جىلى 31 قازاندا ساۋالناما ناتيجەسىن جاريالاعان. رەسەيلىكتەردىڭ جارتىسىنان كوبى رەسەي مەن باتىس ەلدەرى اراسىنداعى قارىم-قاتىناستاردىڭ ناشارلاۋى ءۇشىنشى الەم سوعىسىن تۋدىرادى دەپ الاڭدايدى. ال 48 % رەسپوندەنت بۇل سوعىس قاۋپىن حالىقارالىق قايشىلىقتاردان كەلىپ شىعادى دەپ سانايدى.

بۇل بەيبىتشىلىك پەن تۇراقتىلىقتى اۋىز جاپپاي ناسيحاتايتىن باتىستىقتاردىڭ الەم تىنىشتىعىنا دەگەن سەنىمدەرىنىڭ كورسەتىپ تۇر. بارلىعىمىز بىلىتىندەي، ەگەر دە دۇنيە سوعىسى ءۇشىنشى رەت تۋىلار بولسا، ول يادرولىق سوعىسقا ۇلاسپاي قويمايدى. يادرولىق سوعىىس بولادى ەكەن ادامزات وركەنيەتىنىڭ ساقتالىپ قالۋىن بۇلاي قويىپ، جەر بەتىندە ءومىر ءسۇرۋىنىڭ ءوزى قيىنعا سوعادى. اۋىر ەكولوگيالىق اپاتتار دا كەلىپ شىعارى داۋسىز. سواعىس ارقىلى  ادامزات «قۇدايدىڭ قارعىسىن» ءوز قولىمەن جاساماسىنا كىم كەپىل ؟!

 

“The Qazaq Times”