Skaramuksi öziniñ jwmıstan quılğanına şarasız küyde. Foto: The Wall Street Journal.

Qazirgi kezde Qwrama Ştattıñ Aqüyinde kadrlar almasuı jii bolıp jatır. Mısalı AQŞ Kommunikaciya keñsesiniñ direktorı Entoni Skaramuksi tağayındalğan qızmetinde 10 kün ğana bolıp, keyin jwmıstan quıldı. Skaramuksi bwrınğı Teñiz armiya admiralı Jon Kellidiñ talabı boyınşa qızmetten bosatıldı. Aqüy şeneunikteriniñ aytuınşa, Kelli kadrlar qosınında tärtipti nığaytu üşin osı qadamğa barğan. Bwl turalı «The Wall Street Journal» basılımı habarlap otır.

Aqüy şeneunikteriniñ bwl istiñ jayın bılay dep bayan etti: Kellidiñ qızmetke tağayındaluı, ant berui räsimine  Entoni Skaramuksi de qatısqan. Räsimnen keyin ekeui Kellidiñ jwmıs keñsesine deyin äldeneni äñgime etip birge kelgen. Sol jerde Kelli onı jwmıstan bosatılatının mälimdegen.

Prezident Tramp Kellige Aqüy kadrların basqaru isin mindettegen. Onıñ qızmetke tağayındalıp alğaşqı şığarğan şeşimi Skaramuksidi jwmıstan bosatu boldı. Uaşington bilik basındağıları Aqüyde bolıp jatqan kadrlar almasuınıñ jiilep ketui qattı alañdatıp otır.

“The Qazaq Times”