Foto: Sputnik Kazahstan

Qazaqstandıqtardıñ depozitteriniñ kölemi bir ayda 0,9%-ğa wlğayıp, 2017 jılğı mausımnıñ soñında 17 860,1 mlrd teñgeni qwradı. Onıñ işinde zañdı twlğalardıñ depozitteri 10 058,3 mlrd teñgege deyin nemese 0,7%-ğa qısqardı, jeke twlğalardıñ depozitteri 7 801,8 mlrd teñgege deyin 3%-ğa wlğaydı. Bwl turalı Wlttıq banktiñ baspasöz qızmeti habarladı. 

2017 jılğı mausımnıñ soñındağı jağday boyınşa wlttıq valyutadağı
depozitterdiñ kölemi 9 021,4 mlrd. teñgeni (bir ayda 1,6%-ğa wlğaydı), şetel
valyutasındağı depozitter negizinen teñgeniñ älsireui nätijesinde valyutalıq qayta bağalau esebinen bir ayda 8 838,6 1, 6 mlrd 0teñgege deyin 3,5%-ğa östi. Dollarlanu deñgeyi mausımda 48,2%-dan 49,5%-ğa östi.

Wlttıq banktiñ mälimetinşe, tört ay qatarınan wlttıq valyutadağı
depozitterdiñ kölemi şetel valyutasındağı depozitterdiñ kölemine qarağanda artqan.

Al zañdı twlğalardıñ wlttıq valyutadağı depozitteri 2017 jılğı mausımda 4,9%-ğa qısqarıp, 5 486,2 mlrd teñge boldı, şetel valyutasındağı depozitteri 4 572,1 mlrd teñgege deyin (zañdı twlğalar depozitteriniñ 45,5%-ı) 4,8%-ğa wlğaydı.

Jeke twlğalardıñ teñgemen depozitteri 2017 jılğı mausımda 4,0%-ğa wlğayıp, 3 535,2 mlrd teñgeni qwradı, şetel valyutasımen depozitter 2,1%-ğa ösip, 4 266,6 mlrd teñge (jeke twlğalar depozitteriniñ 54,7%-ı) boldı.

Bayqasaq, Qazaqstanda şetel valyutasına täueldilik äli de bar. Mwnı zañdı twlğalardıñ şetel valyutasındağı depozitteriniñ köbeygendiginen-aq añğaramız.

“The Qazaq Times”