AQŞ memlekettik hatşısı jäne Resey sırtqı ister ministri. Foto:Washington Times.

Kreml' AQŞ jaña sankciyası bekitile salısımen, sankciya atqarılmay jatıp, qarsı reakciyasın körsete bastadı. Resey Sırtqı ister ministrligi habarlama jariyalap, el işindegi AQŞ diplomattarına Mäskeudegi jäne Reseydiñ birneşe qalasındağı qoymalardı paydalanuğa tiım saldı. Sonımen birge Reseyde twratın AQŞ diplomattar sanın qısqartu turalı wsınıs tastadı. Bwl turalı Bi-Bi-Si arnasınıñ aqparattıq saytı jazıp otır.

Eger AQŞ tarabı Reseyge bağıttalğan jaña sankciya jobasın bekitpegende, Mäskeu jaq mwnday minez körsetpesi anıq edi. Degenmen Kreml' öziniñ şekteu şaraların AQŞ sankciyasınıñ lebi jetip ülgermey jatıp bastap ketti. Kreml'diñ mwnısı «qorıqqan bwrın qol jwmsaydı»-nıñ özi bolsa kerek.

Resey SİM bekitken şekteu şarası boyınşa, 1 qırküyekke deyin Mäskeudegi, Sankt-Peterburg, Vladivostok qatarlı qalalardağı AQŞ elşilikterindegi diplomatiyalıq jäne tehnikalıq qızmetkerleriniñ sanı, Reseydiñ AQŞ-ta twratın qızmetkerleriniñ sanımen birdey boluı kerek delingen. Bwl wsınıstı qabıldaytın bolsa, AQŞ Reseydegi qızmetkerlerinen 455 adamdı qısqartuğa mäjbür boladı. Kreml'diñ bwl qadamı AQŞ jaña sankciyasınıñ Reseydi alañdatıp otırğanın tüsindiredi.

“The Qazaq Times”