Soltüstik Koreyanıñ artilleriya qosını. Foto: The Independent.

Osığan deyingi halıqaralıq qat-qabat qarsılıqtarğa qaramastan, Soltüstik Koreya aldağı uaqıtta jaña ballistikalıq zımıran sınağın jasauğa dayındalıp otır, dep habarlaydı älemdik aqparat közderi. KHDR-nıñ är retki zımıran sınağınan keyin, Korey tübeginde soğıs tuılu qauipi eselep arta tüsedi. Äsirese, soñğı 4 şildede bolğan zımıran sınağı kezinde AQŞ Soltüstik Koreyağa eñ soñğı qatañ eskertuin jasağan bolatın.

AQŞ-tıñ CNN arnasınıñ habarına qarağanda, Soltüstik Koreya aldağı uaqıtta quatı men ölşemi beymälim zımıran sınağına küşti dayındıqtar jasauda. Bwl "4 şildedegi quattı zımıran sınağınıñ jalğası" deydi AQŞ aqparat közderi.

Mwnı Soltüstik Koreyanıñ zımıran sınağı tarihında eñ tabıstı bolğan zımıran sınağı deuge boladı. Sebebi, sol retki ballistikalıq zımırannıñ wşu aralığı men wşu uaqıtı jäne nısanağa däldigi jağınan jaña beleske köterildi. Bwl KHDR-nıñ AQŞ territoriyasına yadrolıq qarudı jetkizuge qabiletti bolğanın körsetti. Wşu aralığı bwrınğı sınaqtarğa qarağanda 933 esege artıp, 2 mıñ 802 şaqırımğa 39 minutta wşıp jetken.

Eger aldağı uaqıtta Soltüstik Koreya zımıran sınağın qaytalaytın bolsa, onda Korey tübeginiñ jağdayın naqtı boljap aytu qiınğa soğadı. Osığan deyin AQŞ teñiz jäne äue küşterin tübekke qaray jaqındatıp, qır körsetkenimen Pioñyañğa (Phen'yan) tosqauıl bola almadı. Endigi jerde AQŞ bayağı bopsalaudı jalğastıra ma, älde, naqtı äskeri äreketke bara ma – bwl aldağı zımıran sınağında belgili boladı.

“The Qazaq Times”