Foto: ontustik.gov.kz

«OÑTÜSTİK» aymaqtıq investiciyalıq ortalığı 8 jıldan beri Oñtüstik Qazaqstanda jeñildetilgen nesie beru arqılı käsipkerlerge qoldau körsetip keledi.  Kompaniya osı uaqıtqa deyin 48,8 mlrd teñgeni qwraytın 16 240 jobanı qarjılandırğan. Bwl turalı Oñtüstik Qazaqstan oblısınıñ baspasöz qızmeti habarladı.

Nätijesinde oblısta 16 mıñnan asa käsipker öziniñ biznesin aşıp, ilgeriletuge kompaniyadan qarjılay alğan. Jüzege asırılğan jobalar ayasında 40 907 jaña jwmıs orındarı aşılğan.

Al, «OÑTÜSTİK» AIO enşiles «Irıs» mikroqarjı wyımımen birlese otırıp, jıl basınan beri   4,9 mlrd teñgeni qwraytın 1 903 jobanı qarjılandırıp ülgergen. Jüzege asırılğan jobalar nätijesinde 3 994 jaña jwmıs orındarı aşılmaq.

Qarjılandırılğan jobalardıñ 56,3 payızı mal şaruaşılığın damıtuğa bağıttalğan. Atalğan bağıtta 2,75 mlrd teñgeni qwraytın 941 joba qarjılay qoldau tauıp otır. Odan bölek, köktemgi dala jwmıstarın jürgizu jäne egin şaruaşılığı boyınşa 1,7 mlrd teñgege 894 joba, jılıjay şaruaşılığı boyınşa 148,2 mln teñgege 41 joba qarjılandırılıp,  128,2 mln teñgeni qwraytın 7  auıl şaruaşılıq tehnikası lizingke  berilgen.

Oblıs äkimdiginiñ mälimetinşe, «OÑTÜSTİK» aymaqtıq investiciyalıq ortalığındağı payızdıq mölşerleme 7-8 payız yağni tömen boluımen birge nesieni räsimdeu barısında qosımşa tölemder, komissiyalar alınbaydı. Nesieni öteu kestesi är käsipker üşin jeke qarastırılğan. Auıldıq jerlerdegi jıljımaytın mülik, saman üyler de narıqtıq bağamen bağalanıp, kepilge alınadı. Sonday-aq, auıl twrğındarına ıñğaylı jağday jasau maqsatında är audan ortalıqtarında enşiles wyımnıñ ökilderi jwmıs isteydi.

“The Qazaq Times”