«وڭتۇستىك» ايماقتىق ينۆەستيتسيالىق ورتالىعى 8 جىلدان بەرى وڭتۇستىك قازاقستاندا جەڭىلدەتىلگەن نەسيە بەرۋ ارقىلى كاسىپكەرلەرگە قولداۋ كورسەتىپ كەلەدى. كومپانيا وسى ۋاقىتقا دەيىن 48,8 ملرد تەڭگەنى قۇرايتىن 16 240 جوبانى قارجىلاندىرعان. بۇل تۋرالى وڭتۇستىك قازاقستان وبلىسىنىڭ ءباسپاسوز قىزمەتى حابارلادى.
ناتيجەسىندە وبلىستا 16 مىڭنان اسا كاسىپكەر ءوزىنىڭ بيزنەسىن اشىپ، ىلگەرىلەتۋگە كومپانيادان قارجىلاي العان. جۇزەگە اسىرىلعان جوبالار اياسىندا 40 907 جاڭا جۇمىس ورىندارى اشىلعان.
ال، «وڭتۇستىك» ايو ەنشىلەس «ىرىس» ميكروقارجى ۇيىمىمەن بىرلەسە وتىرىپ، جىل باسىنان بەرى 4,9 ملرد تەڭگەنى قۇرايتىن 1 903 جوبانى قارجىلاندىرىپ ۇلگەرگەن. جۇزەگە اسىرىلعان جوبالار ناتيجەسىندە 3 994 جاڭا جۇمىس ورىندارى اشىلماق.
قارجىلاندىرىلعان جوبالاردىڭ 56,3 پايىزى مال شارۋاشىلىعىن دامىتۋعا باعىتتالعان. اتالعان باعىتتا 2,75 ملرد تەڭگەنى قۇرايتىن 941 جوبا قارجىلاي قولداۋ تاۋىپ وتىر. ودان بولەك، كوكتەمگى دالا جۇمىستارىن جۇرگىزۋ جانە ەگىن شارۋاشىلىعى بويىنشا 1,7 ملرد تەڭگەگە 894 جوبا، جىلىجاي شارۋاشىلىعى بويىنشا 148,2 ملن تەڭگەگە 41 جوبا قارجىلاندىرىلىپ، 128,2 ملن تەڭگەنى قۇرايتىن 7 اۋىل شارۋاشىلىق تەحنيكاسى ليزينگكە بەرىلگەن.
وبلىس اكىمدىگىنىڭ مالىمەتىنشە، «وڭتۇستىك» ايماقتىق ينۆەستيتسيالىق ورتالىعىنداعى پايىزدىق مولشەرلەمە 7-8 پايىز ياعني تومەن بولۋىمەن بىرگە نەسيەنى راسىمدەۋ بارىسىندا قوسىمشا تولەمدەر، كوميسسيالار الىنبايدى. نەسيەنى وتەۋ كەستەسى ءار كاسىپكەر ءۇشىن جەكە قاراستىرىلعان. اۋىلدىق جەرلەردەگى جىلجىمايتىن مۇلىك، سامان ۇيلەر دە نارىقتىق باعامەن باعالانىپ، كەپىلگە الىنادى. سونداي-اق، اۋىل تۇرعىندارىنا ىڭعايلى جاعداي جاساۋ ماقساتىندا ءار اۋدان ورتالىقتارىندا ەنشىلەس ۇيىمنىڭ وكىلدەرى جۇمىس ىستەيدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
