Foto: Wikimedia Commons

Ekvador eldegi qarjılıq qiındıqtarğa baylanıstı OPEK-tiñ täuligine öndiriletin mwnay kölemin  qısqartu turalı kelisimin orınday almaydı. Kelisimge säykes, memleket öndiristi täuligine 26 mıñ barrel'ge qısqartu qajet. Bwl turalı Ükimet habarlamasında aytılğan. 

Eldiñ mwnay ministri Karlos Perestiñ sözinşe, Ekvador osı uaqıtqa deyin kölemdi tek 60 payızğa ğana qısqartqan. Qazirgi kezde elde öndirilip jatqan şikizat kölemi täuligine 545 mıñ barrel'di qwraydı.

Ükimet ökilderiniñ sözinşe, osı jılı Ekvadordıñ byudjet tapşılığı Jalpı işki önimniñ 7,5 payızın qwrauı mümkin. Sebebi el mwnay narığındağı twraqsızdıqqa baylanıstı zardap şegip otır.

"Ökinişke oray, qazirgi kezde biz öndiristi 26 mıñ barrel'ge emes, 16 mıñğa ğana qısqarta alıp otırmız. Eldegi qiındıqtarğa baylanıstı özimizge wsınılğan kvotanı orındap jatqan joqpız", - dedi Karlos Peres. 

Ayta keteyik, OPEK kelisimine qatıstı Qazaqstannıñ da poziciyası twraqsız. QR Energetika ministrligi birde "Qazaqstan mwnay kölemin qısqartuğa qatıstı OPEK-pen bolğan kelisim merzimin odan äri wzartuğa dayın emes" dese endi birde OPEK pen oğan müşe emes elderdiñ mwnay kölemin qısqartu merzimin wzartu turalı şeşimin qoldaydı" degen bir-birine qarsı pikir aytadı.

 “The Qazaq Times”