Foto: ontustik.gov.kz

Oñtüstik Qazaqstan oblısındağı «Asia Trafo» JŞS-i quattılığı 110-120 kVt bolatın joğarı kerneuli transformator şığarudı qolğa alğalı otır. 2016 jıldan bastap salına bastağan nısandı iske qosu jwmıstarı 2018 jıldıñ ekinşi toqsanına josparlanğan, dep habarladı oblıs äkimdiginiñ baspasöz qızmeti. 

«Tassay» industrialdı aymağında ornalasqan qwrılıs jobasınıñ barısımen Oñtüstik Qazaqstan oblısınıñ äkimi Janseyit Tüymebaev arnayı tanısıp,  atqarılıp jatqan jwmıstarğa oñ bağasın berdi.

«Aldağı jılı zauıt iske qosılsa, 220 adamdı jwmıspen qamtuğa mümkindik tuadı. Bwl öte jaqsı dünie. Eñ bastısı – qazirgi tañda käsiporında atqarılıp jatqan jwmıstarğa oñ bağa beruge boladı. Sondıqtan jwmıstı josparlı türde jürgizip, zauıttı erterek iske qosuğa män bergen jön»,- dedi J. Tüymebaev.

Oblıs baspasöz qızmetiniñ mälimetinşe, käsiporın käsipkerlikti qoldau kartasınıñ ayasında jüzege asırılıp jatır. Al joba qwnı 17,5 mlrd teñgeni qwraydı. Zauıt jılına  120 transformator şığaruğa qauqarlı.

Zauıt önimderi Qazaqstan men TMD elderiniñ swranasın  qanağattandıradı dep kütilude. Sonımen qatar «Asia Trafo» JŞS öz önimderiniñ 50 payızın TMD elderine eksporttaudı josparlap otır.

“The Qazaq Times”