وڭتۇستىك قازاقستان وبلىسىنداعى «Asia Trafo» جشس-ءى قۋاتتىلىعى 110-120 كۆت بولاتىن جوعارى كەرنەۋلى ترانسفورماتور شىعارۋدى قولعا العالى وتىر. 2016 جىلدان باستاپ سالىنا باستاعان نىساندى ىسكە قوسۋ جۇمىستارى 2018 جىلدىڭ ەكىنشى توقسانىنا جوسپارلانعان، دەپ حابارلادى وبلىس اكىمدىگىنىڭ ءباسپاسوز قىزمەتى.
«تاسساي» يندۋستريالدى ايماعىندا ورنالاسقان قۇرىلىس جوباسىنىڭ بارىسىمەن وڭتۇستىك قازاقستان وبلىسىنىڭ اكىمى جانسەيىت تۇيمەباەۆ ارنايى تانىسىپ، اتقارىلىپ جاتقان جۇمىستارعا وڭ باعاسىن بەردى.
«الداعى جىلى زاۋىت ىسكە قوسىلسا، 220 ادامدى جۇمىسپەن قامتۋعا مۇمكىندىك تۋادى. بۇل وتە جاقسى دۇنيە. ەڭ باستىسى – قازىرگى تاڭدا كاسىپورىندا اتقارىلىپ جاتقان جۇمىستارعا وڭ باعا بەرۋگە بولادى. سوندىقتان جۇمىستى جوسپارلى تۇردە جۇرگىزىپ، زاۋىتتى ەرتەرەك ىسكە قوسۋعا ءمان بەرگەن ءجون»،- دەدى ج. تۇيمەباەۆ.
وبلىس ءباسپاسوز قىزمەتىنىڭ مالىمەتىنشە، كاسىپورىن كاسىپكەرلىكتى قولداۋ كارتاسىنىڭ اياسىندا جۇزەگە اسىرىلىپ جاتىر. ال جوبا قۇنى 17,5 ملرد تەڭگەنى قۇرايدى. زاۋىت جىلىنا 120 ترانسفورماتور شىعارۋعا قاۋقارلى.
زاۋىت ونىمدەرى قازاقستان مەن تمد ەلدەرىنىڭ سۇراناسىن قاناعاتتاندىرادى دەپ كۇتىلۋدە. سونىمەن قاتار «Asia Trafo» جشس ءوز ونىمدەرىنىڭ 50 پايىزىن تمد ەلدەرىنە ەكسپورتتاۋدى جوسپارلاپ وتىر.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى