AQŞ-Meksika qamalı. Foto: Mike Blake/Reuters

AQŞ Kongresi ökilderiniñ palatası Meksika şekarasında qorğan saluğa 1,6 mlrd dollar böludi qarastıratın zañ jobasın jariyaladı, dep habarlaydı RIA Novosti Hill gazetine silteme jasap.

"Negizgi maqsat amerikalıqtardıñ qauipsizdigi men otanımızdı qorğaudı qamtamasız etu. Qarjılandıru turalı zañ jobası oñtüstik şekaramızdağı qauipsizdik infraqwrılımın keñeytuge, şekara qızmetkerleriniñ sanın köbeytuge mümkindik beredi", - dep keltiredi Hill basılımı AQŞ-tıñ işki qauipsizdik ministrliginiñ ökili Djona Karterdiñ sözin.

Gezetiñ jazuınşa, bwl zañ jobası Prezident Donal'd Tramptıiñ "Meksika qorğan saluğa ketken şığındı özi töleydi" degen sözin joqqa şığarıp otır. Bwdan bwrın AQŞ äkimşiligi Maksika arasında qorğan saluğa ketetin qarajat 2018 jıldıñ byudjet esebine qosılatının mälimdegen.

Ayta keteyik, AQŞ prezidenti Donald Tramp osı jıldıñ qañtarında Meksika şekekarasında qorğan twrğızuğa nwsqau berip, onı iske asıru josparların da qarastırğan. Sonımen qatar, lañkestik piğıldardı boldırmas üşin, Süriyadan (Siriya) kiretin bosqındarğa tiım salıp, el işindegi bosqındardıñ qimılına şekteu qoyu turalı tapsırmalar bergen edi.

“The Qazaq Times”